2021-22 நிதியாண்டில், உணவு மானியத்திற்கான இந்தியாவின் மொத்த செலவீனம் 2.1 டிரில்லியன் ரூபாயை (28.7 பில்லியன் டாலர்) தாண்டும் என்று எதிர்பார்க்கப்படுகிறது என்று பொருளாதார ஆய்வறிக்கை தெரிவித்திருக்கிறது.
உலகின் மிகப்பெரிய உணவு நலத்திட்டத்தை நடத்துவதற்கான செலவை ஈடுசெய்ய, 2021-22 நிதியாண்டுக்கான வரவுசெலவுத் திட்டத்தில் இந்தியா தனது ஆண்டு உணவு மானிய செலவினங்களுக்கான ஒதுக்கீட்டை 4% -6% அதிகரிக்கும் என்று அரசு தெரிவித்துள்ளது.
2021/22 நிதியாண்டில், உணவு மானியத்திற்கான இந்தியாவின் மொத்த செலவீனம் 2.1 டிரில்லியன் ரூபாயை (28.7 பில்லியன் டாலர்) தாண்டும் என்று எதிர்பார்க்கப்படுகிறது, ஆனால் வரவுசெலவுத் திட்ட ஒதுக்கீடு 1.16 டிரில்லியன் ரூபாயிலிருந்து 4% -6% மட்டுமே அதிகரிக்கும் எனவும் எதிர்பார்க்கப்படுகிறது. உணவு மானியத்திற்கான ஒதுக்கீடு 1.22 டிரில்லியன் முதல் 1.24 டிரில்லியன் ரூபாய் வரை உயரக்கூடும் என்றும் கூறப்பட்டுள்ளது. 2021/2022 வரவுசெலவுத் திட்டத்தை வரும் திங்களன்று நிர்மலா சீதாராமன் முன்வைக்கும்போது இந்த ஒதுக்கீட்டை கோடிட்டுக் காட்டுவார் என்று எதிர்பார்க்கப்படுகிறது.
இந்தியாவின் மிகப்பெரிய உணவு நலத்திட்டத்திற்கு, அரசாங்கத்தின் நிதி குறைக்கப்படும் என்பதால், இந்திய உணவுக் கழகம் 2021-22 இல் 800 பில்லியன் ரூபாய் (11 பில்லியன் டாலர்) கடன் வாங்க வேண்டியிருக்கும் என்று அந்த வட்டாரங்கள் தெரிவிக்கிறது. முக்கிய தானிய கொள்முதல் நிறுவனமான எஃப்.சி.ஐ, விவசாயிகளிடமிருந்து அரிசி மற்றும் கோதுமையை உத்தரவாத விலையில் வாங்குகிறது மற்றும் சந்தை விகிதங்களில் ஒரு பகுதியை இந்தியாவின் 1.38 பில்லியன் மக்களில் 67% பேருக்கு மறுவிற்பனை செய்கிறது. எஃப்.சி.ஐயின் கொள்முதல் விலைகளுக்கும் விற்பனை விலைகளுக்கும் உள்ள வித்தியாசத்தை அரசாங்கம் தனது வருடாந்திர வரவு செலவுத் திட்டத்தில் உணவு மானியத்திற்கு நிதி ஒதுக்குவதன் மூலம் செலுத்துகிறது.
கடந்த சில ஆண்டுகளாக, அரசாங்கம் எஃப்.சி.ஐக்கு முழுமையாக உணவு மானியத்தை ஈடுசெய்யவில்லை, மாறாக இந்திய உணவுக்கழகத்தை கடன் வாங்க கட்டாயப்படுத்தியது. இதன் விளைவாக, எஃப்.சி.ஐயின் மொத்த கடன் 3.81 டிரில்லியன் ரூபாயாக (52.30 பில்லியன் டாலர்) உயர்ந்துள்ளது.
2020/21 நிதியாண்டின் முதல் ஒன்பது மாதங்களில், எஃப்.சி.ஐ அதன் செலவுகளைச் சமாளிக்க 460 பில்லியன் ரூபாயை கடன் வாங்கியது. கடந்த பத்தாண்டுகளில், பொதுவான அரிசி வாங்குவதற்கான உத்தரவாத விலைகள் 73% மற்றும் கோதுமைக்கான உத்தரவாத விலை 64% ஆக உயர்ந்துள்ளதால், உணவுக்கழகத்தின் செலவுகள் கடுமையாக உயர்ந்துள்ளன, அதே நேரத்தில் எஃப்சிஐ அரிசி மற்றும் கோதுமையை விற்கும் விலைகள் மாறாமல் உள்ளன.
நிதி அமைச்சகத்தால் தற்போது வெளியிடப்பட்ட அதன் வருடாந்திர பொருளாதார ஆய்வறிக்கையில், உணவு மானியத்தொகை "நிர்வகிக்க முடியாத அளவிற்கு பெரியதாக" மாறி வருவதாகவும், உணவு மானியத் தொகையைக் குறைக்க அரசாங்கத்தின் பொது விநியோக முறை வழியாக விற்கப்படும் தானியங்களின் விலையை உயர்த்த வேண்டிய அவசியம் உள்ளது என்றும் கூறினார்.
