Headlines|மத்திய அரசுக்கு கடிதம் எழுதிய முதல்வர் முதல் அசத்தல் வெற்றிப்பெற்ற இந்திய அணி வரை!

இலங்கை கடற்படையால் கைது செய்யப்பட்ட மீனவர்களை விடுவிக்க நடவடிக்கை எடுக்க வேண்டும் என மத்திய அமைச்சர் ஜெய்சங்கருக்கு, முதல்வர் ஸ்டாலின் கடிதம்.

கேட்ட நிதியை வாங்கித் தர முடியாமல் பிரச்சினையை திசை திருப்ப முயற்சி. அண்ணாமலைக்கு தைரியம் இருந்தால் அண்ணா சாலை பக்கம் வரட்டும் என துணை முதல்வர் உதயநிதி ஸ்டாலின் சவால்.

அண்ணா சாலையில் எந்த இடம் என குறிப்பிட்டால் தனியாக வருகிறேன். துணை முதல்வர் உதயநிதி சவால் விடுத்ததையடுத்து, பாஜக மாநில தலைவர் அண்ணாமலை பதில்.

கவுன்சிலர் கூட ஆக முடியாத அண்ணாமலை, துணை முதல்வரை விமர்சிக்க தகுதி இல்லை. திமுக செய்தி தொடர்பு இணை செயலாளர் தமிழன் பிரசன்னா பேச்சு.

தீண்டாமையை தடுக்க மாணவர்கள் துணிவுடன் செயல்பட வேண்டும் என ஆளுநர் ஆர்.என்.ரவி அறிவுரை.

சாதிவாரி கணக்கெடுப்பு நடத்துவது குறித்த அறிவிப்பை சட்டமன்ற கூட்டத் தொடரில் வெளியிட வேண்டும். இல்லையென்றால் தமிழ்நாடு முழுவதும் தொடர் போராட்டங்களை முன்னெடுக்கப் போவதாக பாமக தலைவர் அன்புமணி ராமதாஸ் எச்சரிக்கை.

பள்ளி, கல்லூரிகளில் இடம்பெற்றுள்ள சாதிப் பெயர்கள் நீக்கப்படுமா? தமிழக அரசு விளக்கம் அளிக்க சென்னை உயர் நீதிமன்றம் உத்தரவு.

சாம்சங் நிர்வாகத்தின் பழிவாங்கும் நடவடிக்கைக்கு எதிராக தொடரும் போராட்டம். 13 பேரை பணியிடை நீக்கம் செய்ததற்கு எதிராக அடுத்தகட்ட போராட்டத்தை அறிவித்தது சிஐடியு.

ரயிலில் அதிகளவு கூட்டம் இருந்ததால் சென்னை திரும்ப முடியாமல் வாரணாசியில் தவித்த தமிழக மாற்றுத்திறனாளி கிரிக்கெட் வீரர்கள். விமான மூலம் சென்னை அழைத்து வந்த அரசுக்கு நன்றியை தெரிவித்தனர்.

ராசிபுரம் அருகே திமுக கவுன்சிலர் மகன் மற்றும் மதுபான பார் உரிமையாளர் இடையே மோதல். மருத்துவமனையில் வாக்குவாதத்தில் ஈடுபட்ட காட்சிகள்.

அருப்புக்கோட்டை அருகே அங்கீகாரம் இல்லாத கல்லூரியில் செலுத்திய கல்விக்கட்டணத்தை திருப்பித் தர வலியுறுத்தல் . பெற்றோருடன் சாலை மறியலில் ஈடுபட்ட நர்சிங் மாணவிகளை கைது செய்ய முயன்ற காவல் துறை.

சேலம் ஆத்தூரில் குடும்பத் தகராறில் 2 குழந்தைகளை வெட்டிப் படுகொலை செய்த தந்தை கைது. மற்றொரு குழந்தை மற்றும் தாயின் உடல் நிலை கவலைக்கிடம்.

கேரளாவில் தலையில் ஆழமான காயத்துடன் பிடிக்கப்பட்ட காட்டு யானைக்கு தீவிர சிகிச்சை. மருத்துவ சிகிச்சைக்கு யானை நல்ல முறையில் ஒத்துழைப்பதாக மருத்துவர்கள் விளக்கம்.

காங்கிரஸ் மூத்த தலைவர் சோனியா காந்தி டெல்லி மருத்துவமனையில் அனுமதி. வழக்கமான உடல் பரிசோதனை என்றும், இன்று மாலைக்குள் வீடு திரும்புவார்கள் என்றும் காங்கிரஸ் வட்டாரங்கள் தகவல்.

வன்முறையில் ஈடுபட்டு ரயில்வே சொத்துகளை சேதப்படுத்துபவர்கள் மீது கடும் நடவடிக்கை எடுக்கப்படும் என டெல்லியில் விரைவு ரயிலின் ஏசி பெட்டிகளை சேதப்படுத்தியதன் எதிரொலியாக ரயில்வே அமைச்சகம் எச்சரிக்கை.

டெல்லி முதல்வராக பாஜகவின் ரேகா குப்தாவும், பர்வேஷ் வர்மா உள்பட ஆறு பேர் அமைச்சர்களாகவும் பதவியேற்பு. பிரதமர் மோடி மற்றும் தேசிய ஜனநாயக கூட்டணி கட்சிகளைச் சேர்ந்த தலைவர்களும் விருந்தினர்களாக கலந்து கொண்டனர்.

டெல்லி முதல்வர் ரேகா குப்தா, யமுனை நதியில் சிறப்பு வழிபாடு. புதியதாக பதவியேற்ற அமைச்சர்களும், நதிக்கரையில் ஆரத்தி எடுத்து வழிபட்டனர்.

மஹாராஷ்டிர வேளாண்துறை அமைச்சருக்கு இரண்டு ஆண்டுகள் சிறைத் தண்டனை. மோசடி செய்து அரசு வீடு வாங்கிய வழக்கில் நாசிக் நீதிமன்றம் தீர்ப்பு.

நாட்டையோ அல்லது ஒரு பிரதேசத்தையோ கைப்பற்ற சிறந்த வழி அதன் கலாசாரம், மொழியை அழிப்பது. மற்ற நாடுகளைவிட கலாசாரம், மொழி விவகாரத்தில் இந்தியா தனித்துவமானது என குடியரசுத் துணைத்தலைவர் ஜெகதீப்சிங் தன்கர் பெருமிதம்.

ஜம்மு-காஷ்மீரின் பல்வேறு இடங்களில் கடும் பனிப்பொழிவால் இன்னல்களை சந்திக்கும் மக்கள். ஸ்ரீநகர் தேசிய நெடுஞ்சாலையில் பனிக்குவிந்து போக்குவரத்து பாதிப்பு.

அமெரிக்காவில் பணிநீக்க நடவடிக்கையை தொடரும் அதிபர் ட்ரம்ப். வருவாய் சேவைத் துறையில் பணியாற்றி வந்த சுமார் 6 ஆயிரம் ஊழியர்களை டிஸ்மிஸ்.

ரஷ்யா - உக்ரைன் இடையேயான போர் முடிவுக்கு வரும் சூழலில் இருப்பதாக அமெரிக்கா துணை அதிபர் ஜே.டி. வான்ஸ் கருத்து. கடந்த மூன்று ஆண்டுகளில் முதல்முறையாக ஐரோப்பிய பிராந்தியத்தில் அமைதி ஏற்பட்டு இருப்பதாகவும் பேச்சு.

ரஷ்யா-சீனா வெளியுறவுத்துறை அமைச்சர்கள் சந்திப்பு.. உக்ரைன் போர், அமெரிக்காவின் நடவடிக்கை குறித்து ஆலோசனை.

உக்ரைன் அதிபர் ஜெலன்ஸ்கியை சந்தித்து உரையாடினார் அமெரிக்காவின் பிரதிநிதி கீத் கெல்லாக். இருநாட்டு உறவில் விரிசல் ஏற்பட்ட நிலையில் சந்தித்து ஆலோசனை.

சீனாவின் கனவுத்திட்டமான பூமிக்கு அடியில் ஆழமான ஆழ்துளை கிணறு தோன்றும் பணி தீவிரம். பூமியின் பரிணாம வளர்ச்சி குறித்து ஆய்வு செய்ய நடவடிக்கை.

சாம்பியன்ஸ் டிராபி தொடரில் வங்கதேசத்தை வீழ்த்தியது இந்திய அணி. 6 விக்கெட்டுகள் வித்தியாசத்தில் வெற்றி பெற்று அசத்தல்.

வங்கதேசத்துக்கு எதிரான போட்டியில் இந்திய வீரர் சுப்மன் கில் சதம் விளாசி அசத்தல். வெற்றிக்கு வித்திட்ட வீரருக்கு பலரும் பாராட்டு.

ரோகித் சர்மா தவறவிட்ட கேட்சால் பறிபோனது அக்ஷர் படேலில் சாதனை. மைதானத்தில் மன்னிப்பு கோரியது மட்டுமின்றி, இரவு விருந்துக்கு அழைத்துச் செல்வதாகவும் கூறிய கேப்டன் ரோகித் சர்மா.

சாம்பியன்ஸ் டிராபி தொடரில் இன்று தென்னாப்பிரிக்கா - ஆப்கானிஸ்தான் அணிகள் மோதல். கராச்சி மைதானத்தில் மதியம் 2.30 மணிக்கு பலப்பரீட்சை.

சினிமா ரசிகர்களுக்கு விருந்தாக திரைக்கு வரும் புதிய படங்கள். டிராகன், நிலவுக்கு என்மேல் என்னடி கோபம் உள்ளிட்ட 4 படங்கள் இன்று வெளியீடு.

மலையாளத்தில் வெற்றிகளை குவித்த த்ரிஷ்யம் படத்தின் 3 ஆம் பாகம் உருவாகிறது. கடந்த காலம் அமைதியாக இருக்காது என்று பதிவிட்டு படத்தின் பணிகள் தொடங்கியதை உறுதி செய்தார் நடிகர் மோகன்லால்.

திரைப்பட இயக்குநர் ஷங்கருக்கு சொந்தமான 10 கோடி ரூபாய் மதிப்பிலான அசையா சொத்துக்கள் முடக்கம். எந்திரன் படத்தின் கதை குறித்த விவகாரத்தைத் தொடர்ந்து இயக்குநர் ஷங்கர் மீது அமலாக்கத் துறை நடவடிக்கை.