பெண் அமைச்சர் குறித்த சர்ச்சை கருத்து: கமல்நாத்க்கு தேர்தல் ஆணையம் நோட்டீஸ்

மத்திய பிரதேச பெண் அமைச்சரை தரக்குறைவாக பேசிய காங்கிரஸ் மூத்த தலைவர் கமல்நாத்க்கு தேர்தல் ஆணையம் நோட்டீஸ் அனுப்பியுள்ளது.

மத்திய பிரதேச அமைச்சர் இமார்டி தேவிக்கு எதிராக காங்கிரஸ் முத்த தலைவர் கமல்நாத் சர்ச்சைக்குரிய வகையில் கருத்து தெரிவித்திருந்தார், இது குறித்து தேர்தல் ஆணையம் அவருக்கு நோட்டீஸ் அனுப்பியுள்ளது. இந்த அறிவிப்பு கிடைத்த 48 மணி நேரத்திற்குள் இது குறித்த அவரது பதிலை தெரிவிக்கவேண்டும் என்றும் தேர்தல் ஆணையம் கூறியுள்ளது. முன்னதாக, கமல்நாத்தின் கருத்துக்கு காங்கிரஸ் முன்னாள் தலைவர் ராகுல் காந்தியும் தன்னுடைய அதிருப்தியை தெரிவித்து இருந்தது குறிப்பிடத்தக்கது.