அஸாம்| ரூ.3253 கோடி மதிப்பிலான போதைப்பொருள்கள் பறிமுதல்.. 26,500 க்கும் அதிகமானோர் கைது!

அஸாம் மாநிலத்தில் இதுவரை 3 ஆயிரத்து 253 கோடி ரூபாய் மதிப்பிலான போதைப்பொருள்கள் பறிமுதல் செய்யப்பட்டுள்ளதாக மாநில முதலமைச்சர் ஹிமந்த பிஸ்வா சர்மா தெரிவித்துள்ளார்.

இது குறித்து பேட்டியளித்துள்ள அவர், 2021ஆம் ஆண்டு முதல் மேற்கொள்ளப்பட்ட போதைப்பொருள் கடத்தல் தடுப்பு நடவடிக்கைகளில் 26 ஆயிரத்து 500க்கும் அதிகமானோர் கைது செய்யப்பட்டுள்ளதாக குறிப்பிட்டுள்ளார். மியான்மரில் இருந்து அசாமுக்குள் போதைப்பொருட்கள் கடத்தப்படுவதால் எல்லைப் பகுதிகளில் கண்காணிப்பைத் தீவிரப்படுத்துவதுடன், போதைப்பொருள் கடத்தல் கட்டமைப்பை ஒடுக்க நடவடிக்கை எடுக்கப்படுவதாக ஹிமந்த பிஸ்வா சர்மா கூறியுள்ளார்.