தீவிரமான டெல்லி காற்று மாசுபாடு.. சீனா தலைநகர் சாதித்தது எப்படி?

டெல்லி காற்று மாசுபாடு தீவிர பிரச்சினையாக உருவெடுத்துள்ள நிலையில், சீன தலைநகர் பெய்ஜிங்கில் காற்று மாசு கட்டுப்படுத்தப்பட்ட விதம், டெல்லியின் பிரச்சினைக்கு தீர்வாக இருக்கலாம் என கருதப்படுகிறது.

பெய்ஜிங்கில் 2008 ஒலிம்பிக்கை ஒட்டி காற்று மாசை கட்டுப்படுத்த நடவடிக்கைகள் எடுக்கப்பட்டன. அதன்படி பல்வேறு கட்டுப்பாடுகளும், விதிகளும் அமல்படுத்தப்பட்டன.

பெய்ஜிங்கில் பொது போக்குவரத்திற்கு பயன்படும் வாகனங்கள், மின்சார வாகனங்களாக மாற்றப்பட்டன. Internal Combustion Engine கொண்ட கார்களை வாங்குவோருக்கு, பதிவெண் பெறும் நடைமுறை எளிதாக்கப்பட்டது. பழைய வாகனங்கள் பயன்பாட்டிலிருந்து அகற்றப்பட்டன. டீசல் லாரிகளின் உமிழ்வுக்கான தரநிலைகள் கடுமையாக்கப்பட்டன.

அதேபோல், நகர்ப்புற சுற்றுச்சூழல் அமைப்புகளை புதுப்பித்தல், பசுமையான இடங்களை அதிகரித்தல், போன்ற நடவடிக்கைகளும் எடுக்கப்பட்டன. இதுபோன்ற நடவடிக்கைகளால், சீனாவின் காற்றின் தரம் கடந்த பத்தாண்டுகளில், சுமார் இரண்டு மடங்காக அதிகரித்துள்ளது.