Headlines | தமிழகத்தை புகழ்ந்த ஆளுநர் முதல் திருச்செந்தூர் கடல் அரிப்பு தொடர்பாக நடந்த ஆய்வு வரை!
பெண்களுக்கு பாதுகாப்பான மாநிலமாக தமிழகம் திகழ்வதாக ஆளுநர் ஆர்.என்.ரவி பெருமிதம். வடகிழக்கு மாநில பெற்றோர் பெண் குழந்தைகளை படிக்க வைக்க தமிழகத்திற்கே அனுப்ப விரும்புவதாகவும் பேச்சு.
வள்ளுவரையும், வள்ளலாரையும் களவாட காத்திருக்கும் கூட்டத்தை தடுக்கும் அரணாக தமிழர்கள் இருக்க வேண்டும் என்றும், திருவள்ளுவரை யாரும் கபளீகரம் செய்துவிடாமல் பார்த்துக்கொள்ள வேண்டும் என்றும் முதலமைச்சர் மு.க. ஸ்டாலின் பேச்சு.
கடன் வாங்கும் மாநிலங்களில் இந்தியாவிலேயே தமிழகம் முதலிடத்தில் இருப்பதாக எதிர்க்கட்சித் தலைவர் எடப்பாடி பழனிசாமி விமர்சனம். திமுக ஆட்சிக்கு வந்த பின் கடன் 26 சதவீதத்தை தாண்டிவிட்டதாகவும் பேட்டி.
ஈரோடு இடைத்தேர்தலில் பெரியார் கொள்கைகளை கூறி வாக்கு சேகரிக்க முடியுமா? என திமுகவுக்கு நாம் தமிழர் கட்சியின் தலைமை ஒருங்கிணைப்பாளர் சீமான் கேள்வி.
டங்ஸ்டன் விவகாரத்தில் நாளை தமிழக மக்களுக்கு மகிழ்ச்சியான செய்தி வரும் என தமிழக பாஜக தலைவர் அண்ணாமலை தகவல். கோமியம் குடிப்பது அவரவர் தனிப்பட்ட விருப்பு, வெறுப்புகளை பொறுத்தது எனவும் பேட்டி.
செவ்வாய், வெள்ளி, யுரேனஸ் உள்ளிட்ட 6 கோள்களும் ஒரே நேர் கோட்டில் வந்த அரிய நிகழ்வு. கோளரங்கங்களில் கண்டுகளித்த மக்கள்.
கள்ளக்குறிச்சி விஷ சாராய வழக்கு விசாரணையை சிபிஐக்கு மாற்றியதை எதிர்த்து தமிழக அரசு தொடர்ந்த மேல்முறையிடு தள்ளுபடி. மாநில அரசின் விசாரணையில் திருப்தி இல்லை என்பதால்தான் சிபிஐக்கு மாற்றம் என உச்ச நீதிமன்றம் விளக்கம்.
திருச்செந்தூர் முருகன் கோயில் பகுதியில் கடல் அரிப்பு விவகாரம் சென்னை ஐஐடி நிபுணர் குழு நேரில் ஆய்வு.
குவைத் நாட்டில் குளிர் காய தீ மூட்டிய போது புகை மூட்டத்தில் சிக்கி 2 தமிழர்கள் உட்பட 3 பேர் உயிரிழப்பு; இறந்தவர்களின் உடலை எடுத்து வர போதிய வசதி இல்லை என குடும்பத்தினர் வேதனை.
அமெரிக்க அதிபர் ட்ரம்பின் குடியேற்ற திட்ட கட்டுப்பாடு, பனாமா கால்வாய் மீட்பு திட்டத்திற்கு எதிர்ப்பு. மெக்சிகோ, பனாமா நாடுகளில் வலுக்கும் போராட்டம்.
ஆஸ்திரேலிய ஓபன் டென்னிஸ் தொடரில் அல்காரசை வீழ்த்தி அரையிறுதிக்கு முன்னேறினார் ஜோகோவிச். பெண்கள் பிரிவில் முதல் நிலை வீராங்கனை சபலங்காவும் அரையிறுதிக்கு முன்னேற்றம்.
