மால்களில் கொரோனா ரிப்போர்ட் அவசியம்: தியேட்டர்களில் 50% அனுமதி: மும்பையில் கட்டுப்பாடுகள்

மகாராஷ்டிராவின் மும்பை மாநகராட்சியில் உள்ள ஷாப்பிங் மால்களில் நுழையும் நபர்களுக்கு கோவிட் -19 சோதனை அறிக்கையை கட்டாயப்படுத்துமாறு பிரஹன்மும்பை மாநகராட்சி அறிவித்தது.

வரும் திங்கள்கிழமை, மார்ச் 22 முதல் புதிய விதிகள் நடைமுறைக்கு வரும் என்று தகவல்கள் தெரிவிக்கின்றன.மக்கள் கோவிட் 19 நெகட்டிவ் அறிக்கையை எடுத்துச் செல்லவில்லை என்றால், அவர்கள் நுழைவாயிலில் சோதிக்கப்படுவார்கள் (விரைவான ஆன்டிஜென்). மால்களைத் தவிர, நகரத்தின் பிற நெரிசலான இடங்களிலும் குடிமை அதிகாரிகள் விரைவான ஆன்டிஜென் சோதனைகளை மேற்கொள்வார்கள் என தெரிவிக்கப்பட்டது.

இந்த வியாழக்கிழமை அன்று மட்டும்  2,877 புதிய வழக்குகள் மும்பையில் பதிவானதையடுத்து இந்த தடைகள் அறிவிக்கப்பட்டுள்ளது. 17,153 செயலில் உள்ள கோவிட்-19 வழக்குகளில், மும்பை மாவட்டம் இப்போது நாட்டில் மூன்றாவது இடத்தை பிடித்து அதிக அளவில் கொரோனா தொற்றினைக் கொண்டுள்ளது. மகாராஷ்டிராவின் பல மாவட்டங்கள் இரவு ஊரடங்கு உத்தரவுகளை, உள்ளூர் கட்டுப்பாடுகளை மீண்டும் கொண்டு வந்தாலும், மும்பையில் இதேபோன்ற தடைகளை விதிப்பது குறித்து எந்த முடிவும் எடுக்கப்படவில்லை.

மும்பையில் தற்போது 34 கட்டுப்பாட்டு மண்டலங்களும், 267 கட்டிடங்களும் சீல் வைக்கப்பட்டுள்ளன. கடந்த இரண்டு மாதங்களில் அதிகபட்சமான புதிய தொற்றுகள் அடுக்குமாடி குடியிருப்புகளிலிருந்தே வந்துள்ளன என்பதையும் அதிகாரிகள் தெரிவித்துள்ளனர்.

மும்பை மாநகராட்சியின் புதிய விதிகள்/தடைகள் யாவை?

> எந்த மத / கலாச்சார / அரசியல் கூட்டமும் அனுமதிக்கப்படவில்லை

> சினிமாஸ் மற்றும் ஹோட்டல்கள் 50% பேர் மட்டுமே அனுமதி கொண்டவை

> திருமணங்களுக்கு 50 பேர் மற்றும் இறுதிச் சடங்குகளுக்கு 20 பேர் அனுமதிக்கப்பட்டுள்ளனர்

> உடல்நலம் மற்றும் அத்தியாவசியத்தைத் தவிர அனைத்து அலுவலகங்களும் 50% பணியாளர்களுடன் செயல்பட வேண்டும் - வீட்டிலிருந்து வேலை செய்ய அறிவுறுத்தப்படுகிறது.

> ஐந்துக்கும் மேற்பட்ட செயலில் உள்ள கோவிட் -19 நோயாளிகளைக் கொண்ட குடியிருப்பு கட்டிடங்கள் சீல் வைக்கப்படும்.

> பிரேசிலிலிருந்து மும்பைக்கு வரும் பயணிகளுக்கு கட்டாய 7 நாள் நிறுவன தனிமைப்படுத்தல்.

> வீட்டிலேயே தனிமைப்படுத்த அறிவுறுத்தப்பட்ட குடிமக்களின் கைகள் முத்திரையிடப்படும்.

 > முகக்கவசம் இல்லாமல் உள்ளூர் ரயில்களில் பயணிப்பவர்கள் மீது நடவடிக்கை எடுக்க மார்ஷல்கள் நியமிக்கப்பட்டனர்.

> இந்த விதிகளை மீறும் குடிமக்களுக்கு அபராதம் விதிக்கப்படும், வழக்குத் தொடரப்படும்.