தீபாவளிக்கு முன் சர்ப்ரைஸ்.. மத்திய அரசு ஊழியர்களுக்கு குட் நியூஸ்!
மத்திய அரசு ஊழியர்கள் மற்றும் ஓய்வூதியதாரர்களுக்கான அகவிலைப்படியை (DA) மற்றும் அகவிலை நிவாரணத்தை (DR) கூடுதலாக 3% உயர்த்த பிரதமர் நரேந்திர மோடி தலைமையிலான மத்திய அமைச்சரவை ஒப்புதல் அளித்துள்ளது. இன்று நடைபெற்ற அமைச்சரவைக் கூட்டத்திற்குப் பிறகு மத்திய அமைச்சர் அஸ்வினி வைஷ்ணவ் இந்த முடிவை அறிவித்தார். இந்த அகவிலைப்படி உயர்வை, 48 லட்சம் மத்திய அரசு ஊழியர்களுக்கும் 68 லட்சம் ஓய்வூதியதாரர்களுக்கும் பிரதமர் வழங்கும் தீபாவளிப் பரிசு என்று அவர் குறிப்பிட்டார். இந்த முடிவின்படி, அகவிலைப்படியும் (DA) மற்றும் வாடகைப்படியும் (DR) முறையே அடிப்படை ஊதியம் மற்றும் ஓய்வூதியத்தில் 60%-லிருந்து 63%-ஆக உயர்த்தப்படும்.
இந்த 3% அகவிலைப்படி உயர்வு 2026 ஜூலை 1 முதல் முன்தேதியிட்டு அமல்படுத்தப்படுகிறது. இதன் மூலம் ஜூலை, ஆகஸ்ட் மற்றும் செப்டம்பர் மாதங்களுக்கான நிலுவைத் தொகையும் ஊழியர்களுக்கு வழங்கப்படும். அதேநேரத்தில், இந்த உயர்வினால் ரூ.10,016 கோடி நிதிப் பாதிப்பு ஏற்படும். எனினும், தீபாவளி பண்டிகை வரவிருக்கும் சூழலில் வெளியாகியுள்ள இந்த அறிவிப்பு, மத்திய அரசு ஊழியர்கள் மற்றும் ஓய்வூதியதாரர்களிடம் வரவேற்பைப் பெற்றுள்ளது. முன்னதாக, கடந்த ஏப்ரல் மாதம் அகவிலைப்படி (DA) மற்றும் நேரடி வாடகைப்படி (DR) ஆகியவற்றை இரண்டு சதவிகிதப் புள்ளிகள் உயர்த்தி, 58%-இலிருந்து 60%-ஆக மாற்றியது. இந்த உயர்வு 2026 ஜனவரி 1 முதல் அமலுக்கு வந்தது.
