பாரதிய ஜனதா தேசியத் தலைவர் ஜேபி நட்டா தலைமையில் நடைபெறும் இந்தக் கூட்டத்தில் பாஜக முதலமைச்சர்கள், தேசிய செயற்குழு உறுப்பினர்கள், சிறப்பு அழைப்பாளர்கள் உள்ளிட்டோர் கலந்துகொள்ள உள்ளனர். இந்த கூட்டத்தின் இறுதியில் பிரதமர் நரேந்திர மோடி சிறப்புரையாற்றுகிறார். அண்மையில் 14 மாநிலங்களில் நடைபெற்ற 29 சட்டப்பேரவை தொகுதிகளுக்கான இடைத் தேர்தலில் பாரதிய ஜனதா பின்னடைவை சந்தித்தது. குறிப்பாக அக்கட்சி ஆளும் இமாச்சலப் பிரதேசம், கர்நாடகாவில் தோல்வி ஏற்பட்டது கவனத்தை ஈர்த்துள்ளது. அது குறித்து செயற்குழுவில் விவாதிக்கப்படும் எனத் தெரிகிறது.
