HEADLINES|இன்று அமலாகுமா 25% வரி விதிப்பு முதல் ஸ்டாலினை சந்தித்த OPS வரை!

ட்ரம்பின் அறிவிப்புப்படி அமெரிக்காவில் இறக்குமதி செய்யப்படும் இந்திய பொருட்கள் மீதான 25 விழுக்காடு வரி விதிப்பு இன்று முதல் அமலாகுமா?. நாட்டு நலன் காக்க அனைத்து நடவடிக்கைகளும் எடுக்கப்படும் என மத்திய அமைச்சர் பியுஷ் கோயல் உறுதி.

இந்திய பொருளாதாரம் இறந்து கிடப்பது பிரதமர் மோடி, நிதியமைச்சர் நிர்மலா சீதாராமன் தவிர அனைவருக்கும் தெரிந்திருக்கிறது. அமெரிக்க அதிபர் ட்ரம்ப்பின் பேட்டியை சுட்டிக்காட்டி ராகுல் காந்தி விமர்சனம்.

ராகுல் காந்தி வெளிநாட்டிற்கு ஆதரவான பிரச்சாரத்தை தொடர்ந்து மேற்கொண்டு வருவதாக பாஜக குற்றச்சாட்டு. ட்ரம்பின் கருத்தை எதிரொலிப்பது இந்திய மக்களை அவமதிக்கும் வகையில் உள்ளதாகவும் கண்டனம்.

நலன் காக்கும் ஸ்டாலின் மருத்துவத் திட்டத்திற்கு தடைவிதிக்க உயர் நீதிமன்றம் மறுப்பு. அரசுத் திட்ட விளம்பரங்களில் உச்ச நீதிமன்ற உத்தரவுகளை பின்பற்றவும் அறிவுறுத்தல்.

16 ஆண்டுகாலம் மத்தியில் ஆட்சியில் பங்கு வகித்த திமுக, மத்திய அரசுக்கு அழுத்தம் கொடுத்து கச்சத்தீவை திரும்பப் பெறாதது ஏன்?.அதிமுக பொதுச்செயலாளர் எடப்பாடி பழனிசாமி கேள்வி.

ஒரேநாளில் அடுத்தடுத்து இரண்டு முறை முதல்வர் ஸ்டாலினை சந்தித்த ஓ. பன்னீர்செல்வம். அரசியலில் நிரந்தர நண்பரும் இல்லை, எதிரியும் இல்லை என பேட்டி.

முதல்வர் ஸ்டாலினை சந்தித்து நலம் விசாரித்த தேமுதிக பொதுச்செயலாளர் பிரேமலதா விஜயகாந்த். ஆகஸ்ட் 3ஆம் தேதி முதல் தமிழகம் முழுவதும் சுற்றுப்பயணம் மேற்கொள்ளவிருப்பதாகவும் அறிவிப்பு.

திருவள்ளூர் மாவட்டம் கனகம்மாசத்திரத்தில் 17 வயது சிறுமியை பாலியல் வன்கொடுமை செய்ய முயற்சி. வடமாநில இளைஞரை பிடித்து காவல் நிலையத்தில் ஒப்படைத்த மக்கள்.

கவினும் நானும் உண்மையாக காதலித்தோம். பெண் கேட்க வருமாறு கவினை, சுர்ஜித் அழைத்ததாக கவினின் காதலி வீடியோ வெளியிட்டு விளக்கம்..

நெல்லை கவின் கொலை வழக்கில் விசாரணையை தொடங்கிய சிபிசிஐடி. வழக்கின் ஆவணங்களை பெற்றுக் கொண்ட நிலையில் கொலை நடந்த இடத்தில் நேரில் ஆய்வு.

ரிதன்யா தற்கொலை வழக்கில் தடயவியல் அறிக்கைகளை தாக்கல் செய்ய சென்னை உயர் நீதிமன்றம் உத்தரவு. பிரேத பரிசோதனை அறிக்கையில் முழுமையான விவரங்கள் இல்லை என நீதிபதி அதிருப்தி..

1

11,169 கோடி ரூபாய் மதிப்பிலான 4 முக்கிய ரயில்வே திட்டங்களுக்கு மத்திய அமைச்சரவை ஒப்புதல். மஹாராஷ்டிரா, மத்திய பிரதேசம், மேற்கு வங்கம், பிஹார், ஒடிசா, ஜார்க்கண்டிற்கு ரயில்வே திட்டங்கள்.

ஹைதராபாத் தனியார் பள்ளியில் மழலையர் வகுப்புக்கு இரண்டரை லட்சம் ரூபாய் கட்டணம் வசூலிப்பது அம்பலம். சமூக வலைதளங்களில் வைரலாகும் கட்டண விவர புகைப்படம்.

கொல்கத்தாவில் வங்கதேச நடிகை சிறப்பு அதிரடிப் படையினரால் கைது. போலி அடையாள அட்டைகளை வைத்திருந்தது அம்பலம்.

இங்கிலாந்து உடனான 5ஆவது டெஸ்ட் போட்டியில் இந்திய அணி தடுமாற்றம். முதல் நாள் ஆட்ட நேர முடிவில் 6 விக்கெட் இழப்புக்கு 204 ரன்கள் குவிப்பு; கருண் நாயர் அரைசதம்.