கலை, இலக்கியம், சமூகப் பணி என பல்வேறு துறைகளில் சிறப்பாக செயல்படுவோருக்கு ஆண்டுதோறும் குடியரசுத் தின விழாவில் பத்ம விருதுகள் அறிவிக்கப்படுகின்றன. அதன்படி 2020 ஆம் ஆண்டு அறிவிக்கப்பட்ட பத்ம விருதுகள் வழங்கும் விழா, குடியரசுத் தலைவர் மாளிகையில் நடைபெற்றது. பத்ம விருதுகள் 119 பேருக்கு அறிவிக்கப்பட்ட நிலையில், அவர்களில் 7 பேருக்கு பத்ம விபூஷண், 10 பேருக்கு பத்ம பூஷண், 102 பேருக்கு பத்ம ஸ்ரீ விருதுகளை குடியரசுத் தலைவர் ராம்நாத் கோவிந்த் வழங்கினார். அவர்களில் 16 பேருக்கு மறைந்த பிறகு வழங்கப்பட்டுள்ளது. பத்ம விருது அறிவிக்கப்பட்டவர்களில் 29 பேர் பெண்கள்.
