Headlines|இசையமைப்பாளர் ரஹ்மானின் ஆதங்கம் முதல் கொல்கத்தா அணியை வீழ்த்திய பஞ்சாப் வரை!
தமிழ்நாடு கல்குவாரி, கிரஷர் மற்றும் லாரி உரிமையாளர்கள் சங்கம் இன்று முதல் வேலைநிறுத்தம். அரசு விதித்துள்ள சிறு கனிம நில வரியை ரத்து செய்ய வலியுறுத்தல்.
உள்ளாட்சி அமைப்புகளில் மாற்றுத்திறனாளிகளுக்கு பிரதிநிதித்துவம். சட்ட முன்வடிவை இன்று தாக்கல் செய்கிறார் முதல்வர் மு.க.ஸ்டாலின்.
மே 2ஆம் தேதி கூடுகிறது அதிமுக செயற்குழு. கட்சியின் பொதுச்செயலாளர் எடப்பாடி பழனிசாமி அறிவிப்பு.
பாட்டாளி மக்கள் கட்சியில் சலசலப்பு இல்லை என அக்கட்சியின் கௌரவத் தலைவர் ஜி.கே.மணி பேட்டி. ராமதாஸ், அன்புமணி ஆகிய இருவரும் சித்திரை முழு நிலவு மாநாட்டில் ஒன்றாக பங்கேற்பார்கள் என்றும் உறுதி.
சென்னை மெரினா கடற்கரையில் கட்டணம் வசூலிக்கப்படாது என மாநகராட்சி ஆணையர் விளக்கம். பராமரிப்பு பணிகளுக்கான கட்டணத்தை மாநகராட்சியே ஈடுசெய்யும் என்றும் தகவல்.
நெல்லை தனியார் பள்ளியில் பென்சில் பிரச்னையில் சக மாணவனை அரிவாளால் வெட்டிய 8ஆம் வகுப்பு மாணவன் காவல்நிலையத்தில் சரண். இளஞ்சிறார் நீதி குழுமத்தின் முன் ஆஜர்படுத்தப்பட்டு, கூர்நோக்கு இல்லத்தில் அனுமதி.
நெல்லை பள்ளியில் நடந்த சம்பவம் தொடர்பாக தனியார் பள்ளியிடம் விளக்கம் கேட்பு. முழுமையாக விசாரணை மேற்கொள்ளப்படும் என பள்ளி கல்வி துறை அமைச்சர் அன்பில் மகேஷ் பேட்டி.
வாணியம்பாடி அருகே வீட்டில் வைத்து தயாரிக்கப்பட்ட நாட்டு வெடிகுண்டு வெடித்து சிதறி விபத்து. இளைஞரின் கை துண்டாகி படுகாயம் அடைந்தநிலையில் மருத்துவமனையில் அனுமதி.
வேலூர் காட்டுக்கொல்லை கிராமத்தில் உள்ள நிலம், வக்ஃப் வாரியத்துக்கு சொந்தமானது என்று நோட்டீஸ் அனுப்பப்பட்ட விவகாரம். அமைதிக் குழு விசாரணைக்குப் பிறகு உரிய நடவடிக்கை எடுக்கப்படும் என மாவட்ட ஆட்சியர் தகவல்.
பாஜக ஆளும் அசாம் மாநிலத்தில் இனி அசாமி கட்டாய அலுவல் மொழி. அரசு அறிவிப்புகள், உத்தரவுகள் உள்ளிட்டவை அசாமி மற்றும் ஆங்கிலத்தில் வெளியாகும் என முதல்வர் அறிவிப்பு.
நேஷனல் ஹெரால்டு வழக்கில் சோனியா, ராகுல் மீது குற்றப்பத்திரிகை தாக்கல். இந்நிலையில், அமலாக்கத்துறையை கண்டித்து காங்கிரஸ் இன்று நாடு தழுவிய போராட்டம் அறிவிப்பு.
டீசல் விலை உயர்வை திரும்பப் பெறக்கோரி கர்நாடகாவில் லாரி உரிமையாளர்கள் வேலைநிறுத்தம். லாரி உரிமையாளர்களுடன் முதல்வர் சித்தராமையா நடத்திய பேச்சுவார்த்தை தோல்வி.
வெப்ப அலையை மாநில பேரிடராக அறிவித்து தெலங்கானா அரசு அரசாணை. உயிரிழப்பவரின் குடும்பத்தினருக்கு 4 லட்சம் ரூபாய் இழப்பீடு வழங்க முடிவு.
அமெரிக்காவின் போயிங் நிறுவனத்திடம் இருந்து விமானங்களை டெலிவரி எடுப்பதை நிறுத்துங்கள். தங்கள் நாட்டு விமான சேவை நிறுவனங்களுக்கு சீன அரசு உத்தரவு.
ஐபிஎல் தொடரின் லீக் போட்டியில் கொல்கத்தா அணியை போராடி வீழ்த்திய பஞ்சாப். விறுவிறுப்பும், பரபரப்பும் நிறைந்த ஆட்டத்தில் 16 ரன்கள் வித்தியாசத்தில் வெற்றி.
ஆஸ்கர் வென்ற பிறகு தனக்கு வந்த வாய்ப்புகளை முழுவதுமாக பயன்படுத்தவில்லை என நேர்காணல் ஒன்றில் மனம் திறந்த இசையமைப்பாளர் ஏ.ஆர்.ரஹ்மான்.
