கர்நாடகா | அரசு வழக்கறிஞர்கள் நியமனத்தில் பட்டியலினத்தோருக்கு 24 சதவீத இட ஒதுக்கீடு!

கர்நாடகாவில் அரசு வழக்கறிஞர்கள் நியமனத்தில் பட்டியலினத்தவர்களுக்கு 24 சதவீத இட ஒதுக்கீடு வழங்கப்பட உள்ளது.

இதற்கான உத்தரவை மாநில சமூக நலத்துறை வெளியிட்டுள்ளது. இதன்படி அரசு வழக்கறிஞர்களை நியமிக்கும் போது 17% பட்டியலினத்தவர்களுக்கும் 7% பழங்குடிகளுக்கும் இட ஒதுக்கீடு வழங்கப்படும் எனத் தெரிவிக்கப்பட்டுள்ளது.

முன்னதாக அரசுப்பணிகளில் பட்டியலினத்தவருக்கு உள் ஒதுக்கீடு வழங்க கர்நாடக அரசு முடிவு செய்திருந்ததும் இது தொடர்பான நடவடிக்கைகளை மேற்கொள்ள ஒரு நபர் ஆணையத்தையும் அமைத்திருந்தது குறிப்பிடத்தக்கது.