சிமென்ட் மூட்டைகளை ஏற்றிச்சென்ற லாரி கவிழ்ந்து விபத்துக்குள்ளானது. இதில் 19 பேர் பலியாகினர். 7 பேர் படுகாயமடைந்தனர்.
குஜராத் மாநிலம் பாவ்நகர்- அகமதாபாத் நெடுஞ்சாலையில் உள்ள பாவல்யாலி என்ற கிராமத்தின் அருகே சிமென்ட் மூட்டைகளை ஏற்றிச் சென்ற லாரி, நடு ரோட்டில் கவிழ்ந்து விபத்துக்குள்ளானது. இதில், 19 பேர் உடல் நசுங்கி பலியாயினர். மேலும், 7 பேர் காயம் அடைந்தனர்.
காயம் அடைந்தவர்கள் அருகில் உள்ள மருத்துவமனையில் அனுமதிக்கப்பட்டுள்ளனர். லாரியில் இருந்த நூற்றுக்கணக்கான சிமென்ட் மூட்டைகள் சாலையோரம் குவிந்துள்ளன. இந்த விபத்து குறித்து போலீசார் விசாரித்து வருகின்றனர்.
இந்த விபத்து பற்றிய மேலதிகத் தகவல்கள் உடனடியாக கிடைக்கவில்லை.
