உத்தரப்பிரதேச மாநிலத்தின் மீரட்டில் பாஜக தேர்தல் பிரசாரப் பொதுக்கூட்டத்தில் பேசிய பிரதமர் மோடி, ஊழலுக்கு புதிய விளக்கம் கொடுத்தார்.
ஊழல் என்று பொருள்படும் ஆங்கில சொல்லான ‘SCAM’ என்பதில் S என்ற எழுத்து சமாஜ்வாதிக் கட்சியையும், C என்ற எழுத்து காங்கிரஸ் கட்சியையும், A என்ற எழுத்து தற்போதைய முதலமைச்சர் அகிலேஷ் யாதவையும், M என்ற எழுத்து மாயாவதியையும் குறிப்பதாக மோடி கூறினார். எனவே ஊழல் பொருள்படும் கட்சிகளுக்கு மக்கள் வாக்களிப்பதைத் தவிர்க்க வேண்டும் என்று அவர் கேட்டுக்கொண்டார். மேலும், காங்கிரஸ் -சமாஜ்வாதிக் கூட்டணியை ஊழல் கூட்டணி என்று விமர்சித்த பிரதமர் மோடி பாஜக ஆட்சிக்கு வந்தால் 4 மாதங்களிலேயே கரும்புக்கான நிலுவைத் தொகை வழங்கப்படும் என்று உறுதியளித்தார்.
