புற்றுநோய்|ஆறுதல் தரக்கூடிய ஒரு செய்தி; பலன்கொடுக்கும் சிகிச்சை முறை!

புற்றுநோய் அதிகரிப்பது குறித்து வெளியாகி வரும் பல தகவல்கள் கவலை தருகிறது. ஆனால் ஆறுதல் தரக்கூடிய ஒரு செய்தியும் தற்போது வெளியாகியுள்ளது.

புற்றுநோயை குணப்படுத்துவதற்காக இந்தியாவில் சோதிக்கப்பட்டு வரும் CAR T CELL தெரபி என்ற சிகிச்சை முறை நல்ல பலனை அளித்துள்ளதாக உலகப்புகழ்பெற்ற மருத்துவ இதழான லான்செட்டில் தெரிவிக்கப்பட்டுள்ளது.

இந்தியாவில் பரிசோதனை முறையில் சிகிச்சை அளிக்கப்பட்டவர்களில் 73% பேருக்கு நோயிலிருந்து நல்ல முன்னேற்றம் ஏற்பட்டுள்ளதாக அக்கட்டுரையில் குறிப்பிடப்பட்டுள்ளது. சிமரிக் ஆன்டிஜன் ரிசப்டார் டி செல் தெரபி என்பதன் சுருக்கமே CAR T CELL தெரபி எனப்படுகிறது. புற்றுநோய் செல்களை கண்டறிந்து அவற்றை அழிக்க உடலில் உள்ள நோய் எதிர்ப்பு செல்களை பழக்கப்படுத்துவதே இச்சிகிச்சையின் அடிப்படையாகும். CAR T CELL தெரபி முறை சிகிச்சை குறித்து உலகெங்கும் சோதனை நடைபெற்று வரும் நிலையில் இந்தியாவில் கிடைத்துள்ள முடிவு தரமானது, செலவு குறைவானது என லான்செட் இதழ் குறிப்பிட்டுள்ளது.