நாளை பள்ளிகள் திறந்தவுடன், தொடக்கப்பள்ளிகளில் 5-ம் வகுப்பு, நடுநிலைப் பள்ளிகளில் 8-ம் வகுப்பு, உயர்நிலைப் பள்ளிகளில் 10-ம் வகுப்பு, மேல்நிலைப்பள்ளிகளில் 12-ம் வகுப்பு படித்து முடித்த மாணவர்களுக்கு தாமதமின்றி TC வழங்கிட வேண்டும் என்றும், இதர வகுப்புகளில் படித்து வரும் மாணவர்களின் பெற்றோர்கள் தாமாக முன்வந்து TC கோரினால், அவற்றை தடையின்றி வழங்கிட வேண்டும் என்றும் அனைத்து அரசுப் பள்ளிகளின் தலைமை ஆசிரியர்களுக்கும் பள்ளிக்கல்வித்துறை உத்தரவிட்டுள்ளது. TC வழங்கும் பணிகளை நாளையும், நாளை மறுநாளும் மேற்கொள்ளவேண்டும் என்றும் பள்ளிக்கல்வித்துறை அறிவுறுத்தி உள்ளது.
