"10,000 மாணவர்களுக்கு ஆப்செண்டா?"- அமைச்சர் பொன்முடி அளித்த பதில்!
“அண்ணா பல்கலைக்கழக தேர்வில் மாணவர்கள் தாமதமாக பதிவேற்றிய விடைத்தாள்களும் திருத்தம் செய்யப்படும்” என உயர்கல்வித்துறை அமைச்சர் பொன்முடி தெரிவித்துள்ளார்.
கொரோனா பரவலை தடுக்க விதிக்கப்பட்ட கட்டுப்பாடுகளால் பிப்ரவரி 1ஆம் தேதியில் இருந்து மார்ச் 12ஆம் தேதி வரை, ஆன்லைனில் அண்ணா பல்கலைக்கழகத் தேர்வுகள் நடைபெற்றன. ஆன்லைன் தேர்வில் விடைத்தாள்களை தாமதமாக பதிவேற்றியதாக கூறி மாணவர்களுக்கு ஆப்சென்ட் அளிக்கப்பட்டதாக தகவல் வெளியாகின. இது குறித்து விளக்கமளித்துள்ள உயர்கல்வித்துறை அமைச்சர் பொன்முடி, "தாமதமாக பதிவேற்றிய மாணவர்களின் விடைத்தாள்களும் திருத்தம் செய்யப்படும். ஆப்சென்ட் என்று போட்டிருந்தால் தவறு. உடனடியாக சரிசெய்யப்படும். விடைத்தாள் திருத்திய ஆசிரியர்களுக்கு அதற்கான ஊதியம் விரைவில் வழங்கப்படும். 10,000 மாணவர்களின் விடைத்தாள் திருத்தப்படாது என்று பரப்பப்படும் தகவல் தவறானது. மாணவர்கள் கவலைப்பட வேண்டாம்.
சமீபத்திய செய்தி: ஐபிஎல் 2022: லீக் போட்டிகள் நடைபெற உள்ள மைதானங்களும் பின்னணியும்!
