நீதிமன்றத்தில் நடந்து வந்த இந்த வழக்கு விசாரணையை கிருஷ்ணன், சுப்பிரமணி, அலமேலு ஆகியோரை தவிர மற்ற அனைவரும் முடித்துக் கொண்டனர். ஆனால், இவர்கள் 3 பேர் மட்டும் வழக்கை முடிக்காமல் தலைமறைவாக இருந்துள்ளனர். இவர்கள் மூவர் மீது கடந்த 10 ஆண்டுகளுக்கு முன்பு பிடிவாரண்டு பிறப்பித்தும், தலைமறைவாக இருந்து வந்தனர்.
இந்தநிலையில் தீவட்டிப்பட்டி இன்ஸ்பெக்டர் பிரபாவதி தலைமையிலான போலீசார், தலைமறைவாக இருந்த கிருஷ்ணன், சுப்பிரமணி, அலமேலு ஆகிய மூன்று பேரையும் கைது செய்தனர். சுமார் 44 ஆண்டுகளாக நிலத்தகராறு வழக்கை முடிக்காமல் இழுத்தடித்ததால் 10 ஆண்டுகளுக்கு முன்பு பிடிவாரண்டு பிறப்பிக்கப்பட்ட கணவன், மனைவி உள்பட மூன்று பேர் கைது செய்யப்பட்டுள்ள சம்பவம் அந்த பகுதியில் பரபரப்பை ஏற்படுத்தியுள்ளது.
