'ஓலா வாகனசேவை' வாடிக்கையாளர் உதவி எண் என ஏமாற்றி பெண்ணிடம் 52 ஆயிரம் மோசடி

ஓலா பயண சேவை எண் என்ற மோசடியான கஸ்டமர் கேர் எண் மூலமாக, மும்பை பெண்ணை ஏமாற்றி 52 ஆயிரம் ரூபாயை ஏமாற்றிய சம்பவம் அதிர்ச்சியை உருவாக்கியிருக்கிறது.

மும்பையில் உள்ள டார்டியோவைச் சேர்ந்த 42 வயதான பெண், வாகன பயண சேவைக்கு ஆன்லைனில் பணம் செலுத்துவதில் சிக்கல்களை எதிர்கொண்ட பின்னர்,  கஸ்டமர் கேர் எண் என்று நினைத்து ஒரு எண்ணை டயல் செய்ததாக கூறினார். 'ஜஸ்ட் டயலில்' இருந்து தனக்கு அந்த எண் கிடைத்ததாகவும், அது ஓலா கேப் வாடிக்கையாளர் பராமரிப்பு என்று என்று நம்பியதாகவும் பாதிக்கப்பட்ட பெண் கூறினார்.

மோசடி பற்றி கூறிய அப்பெண் “ஆன்லைன் ஏமாற்றுக்காரர் கேட்டதால், எனது தொலைபேசியில் "விரைவு சேவையை" பதிவிறக்கம் செய்தேன். இதிலிருந்து மோசடியாளர், தனது வங்கி விவரங்களை எடுத்து, கோட்டக் மஹிந்திரா வங்கியின் டெபிட் கார்டைப் பயன்படுத்தி சட்டவிரோத பரிவர்த்தனைகளை மேற்கொண்டு 53,260 ரூபாயை எடுத்துவிட்டார்” என குற்றம் சாட்டியிருக்கிறார்.

மும்பை, தானேவில் ஜிபி சாலையில் உள்ள பயந்தர்படாவில் உள்ள தனது உறவினரை அந்தப் பெண் சந்தித்து வீடு திரும்ப ஒரு வண்டியை முன்பதிவு செய்ய விரும்பியபோது இந்த சம்பவம் நடந்தது. இதற்கிடையில், அடையாளம் தெரியாத குற்றம் சாட்டப்பட்டவர் மீது போலீசார் எஃப்.ஐ.ஆர் பதிவு செய்துள்ளனர். மேலும் இந்த வழக்கில் விசாரணை நடந்து வருவதாகவும் போலீசார் தெரிவித்தனர்.

இந்த ஆண்டு ஜனவரியில் இதேபோன்ற ஒரு சம்பவத்தில், ஒரு ஏமாற்றுக்காரர் சுமார் 22,000 பேரை ஏமாற்றியதாகக் கூறப்படுகிறது, குறிப்பாக ஆன்லைன் ஷாப்பிங் என்ற பெயரில்  70 லட்சம் ரூபாயை மோசடி செய்திருக்கிறார். அதன் பின்னர் 32 வயதான அந்த குற்றவாளியை மும்பை போலீசார் கைது செய்தனர்.