வாழ்வாதாரம் பாதிக்கப்பட்டாலும் பரவாயில்லை, குடும்பமே முக்கியம் என கருதிய அனிதா, முருகனுக்கு பயந்து காய்கறி, பழக்கடை போடுவதையே இரண்டு வாரங்களாக நிறுத்தி விட்டார். இதனால் இரண்டு வாரங்களாக முருகன், அனிதாவை பார்க்க முடியாமல் 'தவித்து' வந்துள்ளார். இரண்டு வாரங்கள் பார்க்க முடியாததால் அனிதாவின் வீட்டிற்கே சென்று பார்த்துவிட, சென்றுள்ளார் முருகன். ஆனால் வீட்டில் அனிதா இல்லாததால், ஆத்திரமடைந்த முருகன் அனிதா தங்கியிருந்த வீட்டிற்கு தீ வைத்து எரித்து விட்டு அங்கிருந்து தப்பிச் சென்று விட்டார். தீயை அணைக்க முயன்ற வீட்டின் உரிமையாளருக்கு வலது தோள்பட்டையில் தீக்காயம் ஏற்பட்டது.
