ஹாரர் காமெடியுடன் தமிழுக்கு மீண்டும் வருகிறார் விநயன்!
ஹாரர் காமெடி படம் மூலம் தமிழுக்கு மீண்டும் வருகிறார் இயக்குனர் விநயன்
தமிழில், விக்ரம் நடித்த 'காசி', ஜெயசூர்யா, காவ்யா மாதவன் நடித்த ’என் மனவானில்’ அற்புதத்தீவு, டிராகுலா உட்பட சில படங்களை இயக்கிய வர் மலையாள இயக்குனர் விநயன். மலையாளத்தில் பல சூப்பர்ஹிட் படங்களைக் கொடுத்த இவர், மறைந்த பிரபல நடிகர் கலாபவன் மணி யின் வாழ்க்கை கதையை ‘சாலாக்குடிக்காரன் சங்கதி’ என்ற பெயர் இயக்கியிருந்தார். இந்தப்படம் மலையாளத்தில் வெளியாகி ஹிட்டானது.
இந் நிலையில் தற்போது அதிரடியான ஹாரர் படம் மூலம் மீண்டும் தமிழ் சினிமாவுக்குள் வருகிறார் இயக்குநர் விநயன். மலையாளம், தமிழ் மொழிகளில் உருவாகும் இந்தப் படம், விநயன் இயக்கி ஹிட்டான ‘ஆகாசகங்கா’ என்ற மலையாளப் படத்தின் இரண்டாம் பாகம்.
இதில் ஆசிப் அலி, சித்திக், சலீம்குமார், ஸ்ரீநாத் பாஷி, விஷ்ணு கோவிந்த், ஹரீஷ் கணரன், தர்மாஜன், ஆரதி உட்பட பலர் நடிக்கின்றனர். இவர்களுடன் ரம்யா கிருஷ்ணன் முக்கிய வேடத்தில் நடிக்கிறார். பிஜிபால் இசையமைக்கிறார். பிரகாஷ் குட்டி ஒளிப்பதிவு செய்கிறார். ஷூட்டிங் தொடங்கி நடந்து வருகிறது.
