விமல், ஓவியா, கஞ்சா கருப்பு, சூரி நடித்து மெகா ஹிட்டான படம், ’களவாணி’. இந்தப் படம் மூலம் இயக்குனராக அறிமுகமானார் சற்குணம். ஹீரோயினாக அறிமுகமானார் ஓவியா. இந்நிலையில் இந்தப் படத்தின் அடுத்த பாகம் உருவாக இருக்கிறது. விமல் ஹீரோவாக நடிக்கிறார். சற்குணமே இயக்குகிறார். சூரி, கஞ்சா கருப்பு நடிக்கின்றனர். ஆனால், ஓவியா ஹீரோயினாக நடிப்பாரா என்பது பற்றி இன்னும் முடிவு செய்யப்படவில்லை. நேற்று தனது பிறந்தநாளைக் கொண்டாடிய விமல், இதைத் தெரிவித்தார்.
இவர் இப்போது பூபதி பாண்டியன் இயக்கும் ’மன்னர் வகையறா’ என்ற படத்தில் நடித்துள்ளார். இதை விமலின் ஏ 3 வி சினிமாஸ் தயாரித்துள்ளது. அடுத்து 'வெற்றிவேல்' வசந்தமணி இயக்கத்தில் நடிக்க இருக்கிறார்.
