திரைத்துறையில் 66 ஆண்டுகள் கடந்த கமல்ஹாசன்! | 66 Years of Kamalism | Kamalhaasan

தமிழ் சினிமாவின் முன்னணி நடிகர் கமல்ஹாசன். 1960ம் ஆண்டு வெளியான `களத்தூர் கண்ணம்மா' திரைப்படத்தின் மூலம் குழந்தை நட்சத்திரமாக திரையுலகில் அறிமுகமானர் கமல்ஹாசன். அதன் படி இன்றோடு திரைத்துறையில் ஒரு நடிகராக 66 ஆண்டுகளை நிறைவு செய்கிறார். இவர் இன்று திரைத்துறையில் தனது 67வது ஆண்டில் அடியெடுத்து வைத்துள்ளார்.

தொடர்ந்து தனது தனித்துவமான நடிப்பு மற்றும் புதுமையான முயற்சிகள் மூலம் இந்திய சினிமாவில் தனக்கென தனி அடையாளத்தை உருவாக்கி உள்ளார். நடிகர் மட்டுமின்றி இயக்குநர், தயாரிப்பாளர், பாடகர், நடனக் கலைஞர் என பன்முகத் திறமைகளை கொண்ட கமல்ஹாசன், பல்வேறு கதாபாத்திரங்கள் மற்றும் திரைப்படங்கள் மூலம் திரையுலகில் பல்வேறு சாதனைகளை படைத்துள்ளார்.

இந்நிலையில், கமல்ஹாசனின் 67வது ஆண்டு திரைப்பயணத்தை கொண்டாடும் வகையில், ராஜ்கமல் இன்டர்நேஷனல் நிறுவனம் சார்பில் “67 Years of Kamalism என்ற வாசகத்துடன் சிறப்பு வீடியோ வெளியிடப்பட்டுள்ளது. குழந்தை நட்சத்திரமாக தொடங்கிய பயணம் முதல் உலகநாயகனாக உயர்ந்தது வரை, கமல்ஹாசனின் 67 ஆண்டுகால திரைப்பயணத்தை நினைவுகூரும் வகையில் இந்த வீடியோ அமைந்துள்ளது.