ரஜினிகாந்த் - நெல்சன் திலீப்குமார் கூட்டணியில் உருவாகிவரும் படம் `ஜெயிலர் 2'. இதில் பாலகிருஷ்ணா நடிக்கிறார் என சொல்லப்பட்டது. ஆனால் இப்போது படத்தில் இவர் நடிக்கவில்லை எனவும், அவருக்கு பதிலாகதான் விஜய் சேதுபதி இணைந்துள்ளார் எனவும் சொல்லப்படுகிறது.
சூர்யா இப்போது வெங்கி அட்லூரி படத்தில் நடித்து வருகிறார். இதற்கு பின் மலையாள இயக்குநர் `ஆவேஷம்' ஜீத்து மாதவனுடன் ஒரு படம் முடித்துவிட்டு, மீண்டும் புஜ்ஜி பாபு சனா மற்றும் விவேக் ஆத்ரேயா ஆகிய தெலுங்கு இயக்குநர்களின் படங்களில் நடிக்க உள்ளார் என சொல்லப்படுகிறது.
சிம்பு நடிப்பில் வெற்றிமாறன் இயக்கவுள்ள `அரசன்' படம் டிசம்பர் 8ம் தேதி துவங்க உள்ளதாக தகவல்.
சூரியப்பிரதாப் இயக்கியுள்ள ROOTS பட நாயகன் கௌதம் ராம் கார்த்திக் டப்பிங் பணிகளை நிறைவு செய்தார்.
விஜே சித்து இயக்கி நாயகனாக நடிக்கும் `டயங்கரம்' படத்தின் முதல்கட்ட படப்பிடிப்பு நிறைவு.
`சார்பட்டா பரம்பரை', `நட்சத்திரம் நகர்கிறது', `ராயன்', `வேட்டையன்' படங்களின் மூலம் பிரபலமான துஷாரா விஜயன், ஆண்டனி வர்கீஸ் நடிப்பில் உருவாகும் `காட்டாளன்' படம் மூலம் மலையாள சினிமாவில் அறிமுகமாகிறார்.
ரவி தேஜா நடித்துள்ள `Bhartha Mahasayulaku Wignyapthi' படத்திலிருந்து முதல் சிங்கிள் Bella Bella பாடலின் புரோமோ வெளியீடு. முழுப்பாடல் டிசம்பர் 1ம் தேதி வெளியாகவுள்ளது.
போயபட்டி ஸ்ரீனு இயக்கத்தில் நந்தமுரி பாலகிருஷ்ணா நடித்துள்ள `அகண்டா 2' படத்தின் புது டீசர் வெளியீடு.
`Mukundan Unni Associates' மூலம் பிரபலமான அபிநவ் சுந்தர் நாயக் அடுத்து இயக்கும் `Mollywood Times' படத்தின் படப்பிடிப்பு நிறைவு. இதில் நஸ்லென் நாயகனாக நடித்துள்ளார்.
ரன்வீர் சிங் நடிப்பில் ஆதித்யா தார் இயக்கியுள்ள படம் `Dhurandhar'. இந்தப் படத்திலிருந்து Gehra Hua வீடியோ பாடல் வெளியாகியுள்ளது. படம் டிசம்பர் 5ம் தேதி வெளியாகவுள்ளது.
