சூர்யா நடித்துள்ள ’காப்பான்’ படத்துக்கு தணிக்கை குழு யு/ஏ சான்றிதழ் வழங்கியுள்ளது.
கே.வி.ஆனந்த் இயக்கத்தில் சூர்யா, மோகன்லால், ஆர்யா, சாயிஷா, சமுத்திரக்கனி உட்பட பலர் நடித்துள்ள படம் ’காப்பான்’. இதில் தேசிய கமாண்டோ படை அதிகாரியாக சூர்யா நடிக்கிறார். லைகா புரொடக்ஷன்ஸ் தயாரிக்கும் இதில் மோகன்லால் பிரதமராக நடிக்கிறார்.
இந்தப் படத்துக்கு தணிக்கைக் குழு, யு/ஏ சான்றிதழ் கொடுத்துள்ளது. படம் வரும் 30 ஆம் தேதி ரிலீஸ் ஆவதாக இருந்தது. அன்று பிரபாஸின் ’சாஹோ’ படம் ரிலீஸ் ஆவதால் செப்டம்பர் 20 ஆம் தேதிக்கு இதன் ரிலீஸ் தேதியை தள்ளி வைத் துள்ளனர்.
இந்தப் படத்தை அடுத்து ’சூரரைப் போற்று’ படத்தில் நடித்து வருகிறார் சூர்யா. அடுத்து, சிவா, ஹரி இயக்கும் படங்களில் நடிக்க இருக்கிறார்.
