மண்டேலா திரைப்பட இயக்குநரின் இயக்கத்தில் நடிக்கும் சிவகார்த்திகேயன்
'மண்டேலா' திரைப்படத்தின் இயக்குநர் மடோன் அஸ்வின் இயக்கத்தில் சிவகார்த்திகேயன் நடிக்க உள்ளார்.
யோகி பாபு நடிப்பில் இந்த ஆண்டு ஏப்ரல் மாதம் வெளியான திரைப்படம் மண்டேலா. இந்த திரைப்படத்தை மடோன் அஸ்வின் என்பவர் இயக்கி அறிமுகமாகி இருந்தார். நேரடியாக ஓ.டி.டியில் வெளியான மண்டேலா திரைப்படத்திற்கு விமர்சன ரீதியில் பெரும் வரவேற்பு கிடைத்தது. இதனால் ரசிகர்கள் மட்டுமின்றி சினிமா துறையினரின் கவனத்தையும் அவர் பெற்றார்.
இந்நிலையில் மடோன் அஸ்வின் சிவகார்த்திகேயன் திரைப்படத்தை இயக்க உள்ளார் எனத் தகவல் வெளியாகியுள்ளது. அதேபோல் அந்த திரைப்படத்தை வேல்ஸ் நிறுவனம் தயாரிக்க உள்ளது எனவும், அதற்கான முன் தொகையை தயாரிப்பு நிறுவனத்திடமிருந்து இயக்குனர் மடோன் அஸ்வின் பெற்றுள்ளார் எனவும் தகவல் வெளியாகியுள்ளது.
சிவகார்த்திகேயன் தற்போது டான் திரைப்படத்தில் நடித்துள்ளார். அந்த திரைப்படம் பிப்ரவரி மாதம் 17ம் தேதி வெளியாக உள்ளது. அதைத்தொடர்ந்து சிங்கப்பாதை மற்றும் கௌதம் வாசுதேவ் மேனன் படத்திலும் அவர் நடிக்க உள்ளார். அந்தப் படங்களை முடித்த பிறகு மடோன் அஸ்வின் இயக்கும் படத்தில் சிவகார்த்திகேயன் நடிப்பார் எனக் கூறப்படுகிறது.
