94 வயதில் திரைப்படத்தை இயக்கவிருக்கும் டைரக்டர்! | Singeetam Srinivasa Rao
94 வயதிலும் சிங்கீதம் ஸ்ரீனிவாச ராவ் புதிய படத்தை இயக்கவுள்ளார். 61வது படமாக உருவாகும் இப்படத்தை வைஜெயந்தி மூவிஸ் தயாரிக்க, நாக் அஸ்வின் மேற்பார்வையாளர் ஆக செயல்பட உள்ளார். பல மொழிகளில் 60 படங்களை இயக்கிய சிங்கீதம், இப்போது புதிய முயற்சியில் இறங்கியுள்ளார்.
இந்திய சினிமாவின் மூத்த இயக்குநர்களில் ஒருவர் சிங்கீதம் ஸ்ரீனிவாச ராவ். தெலுங்கு, தமிழ், கன்னடம், இந்தி என பல மொழிகளில் பணியாற்றியுள்ளார். தமிழில் `ராஜ பார்வை', `அபூர்வ சகோதரர்கள்', `மைக்கேல் மதன காமராஜன்', `மகளிர் மட்டும்', `காதலா காதலா', `லிட்டில் ஜான்', `மும்பை எக்ஸ்பிரஸ்' எனப் பல படங்களை கொடுத்தார்.
தெலுங்கு சினிமாவிலும் ஏகப்பட்ட படங்களை இயக்கியுள்ள இவர் இதுவரை 60 படங்களை இயக்கியுள்ளார். இப்போது 94 வயதாகும் சிங்கீதம் தனது புதிய படத்தை விரைவில் துவங்கவுள்ளார். சிங்கீதம் சீனிவாசராவின் 61வது படமாக உருவாகும் இப்படத்தை வைஜெயந்தி மூவிஸ் தயாரிக்க உள்ளது. இப்படத்திற்கு மேற்பார்வையாளராக இயக்குநர் நாக் அஸ்வின் செயல்பட உள்ளார்.
`ஆதித்யா 360' படத்தின் அடுத்த பாகத்தை உருவாக்க பாலகிருஷ்ணா - சிங்கீதம் இடையே பேச்சுவார்த்தை நடந்து வந்தாலும், அந்தப் படம் சில காரணங்களால் துவங்கவே இல்லை. எனவே இப்போது இயக்கும் புதிய படத்தில் நிறைய புதுமுகங்களை வைத்து இயக்க உள்ளாராம். இந்தப் படத்திற்கு தேவி ஸ்ரீ பிரசாத் இசையமைக்க உள்ளார். இந்தப் படத்தை குறிப்பிடும் விதமாக தங்களது சமூக வலைத்தளங்களில் SSR 61 (Singeetam Srinivasa Rao) என பதிவிட்டுள்ளது வைஜெயந்தி மூவிஸ் தயாரிப்பு நிறுவனம்.
