சங்கமித்ரா நாயகியாக திஷா பதானி ஒப்பந்தம் செய்யப்பட்டு இருப்பதாக படக்குழு அதிகாரபூர்வமாக அறிவித்திருக்கிறது.
இதனை தேனாண்டாள் பிலிம்ஸ் நிறுவனத்தின் ஹேமா ருக்மணி தனது ட்விட்டர் பக்கத்தில் அறிவித்திருக்கிறார். மெகா பட்ஜெட்டில் உருவாகி வரும் படம் என்பதால் பெரும் எதிர்பார்ப்பு நிலவி வருகிறது. கான் திரைப்பட விழாவில் அறிமுகப்படுத்தப்பட்ட பின்பு இப்படத்திலிருந்து விலகினார் ஸ்ருதிஹாசன்.அந்த விலகல் பற்றி பல சர்ச்சைகள் எழுந்தன. கதையை இன்னும் கூறவில்லை. முறையாக கால்ஷீட் பெறவில்லை என பல குற்றச்சாட்டுகளை ஸ்ருதிஹாசன் தரப்பு முன்வைத்திருந்தது. ஆனால் அதற்கு தயாரிப்பு தரப்பில் இருந்து எவ்வித விளக்கமும் கொடுக்கப்படவில்லை.
இந்த நிலையில் இன்று மெர்சல் விவகாரத்திற்கு நடுவில் ஹேமா ருக்மணி சங்கமித்ராவின் புதிய நாயகியை அறிமுகம் செய்திருக்கிறார். அதற்கு தனது ட்விட்டர் பக்கத்தில் ‘வாருங்கள் திஷா பதானி உங்களுடன் இணைந்து பணிபுரிய ஆவலுடன் இருக்கிறேன்’ என்று ஜெயம் ரவி ட்விட்டரில் கருத்திட்டு உள்ளார்.
சங்கமித்ரா படத்தின் படப்பிடிப்பு தொடங்குவதற்கான முதற்கட்ட பணிகள், ஹைதராபாத்தில் மும்முரமாக நடைபெற்று வருகின்றன.இந்தப் படத்தில் ஜெயம் ரவி மற்றும் ஆர்யா நடித்து வருகிறார்கள். ஏ.ஆர்.ரஹ்மான் இசையமைக்க, திரு ஒளிப்பதிவு செய்கிறார். கலை இயக்குநராக சாபுசிரில் பணிபுரிந்து வருகிறார்.
