காக்கா முட்டை மற்றும் கடைசி விவசாயி போன்ற தேசிய விருது பெற்ற படங்களை இயக்கியவர் திரைப்பட இயக்குநர் மணிகண்டன். இவர் மதுரை மாவட்டம் உசிலம்பட்டியில் எழில் நகரில் வசித்து வருகிறார். இதற்கிடையே, பூட்டியிருந்த மணிகண்டனின் வீட்டின் பூட்டை உடைத்த மர்ம நபர்கள், பீரோவை உடைத்து திருட்டில் ஈடுபட்டுள்ளனர்.
பிரோவில் இருந்த சுமார் 1 லட்சம் ரூபாய் பணம் மற்றும் 5 சவரன் தங்க நகையை கொள்ளையடித்து சென்றதாக முதற்கட்ட தகவல் வெளியாகியுள்ளது.
இயக்குநர் மணிகண்டன் தற்போதைக்கு சென்னையில் இருக்கும் நிலையில், உசிலம்பட்டியில் இருக்கும் வீட்டிற்கு நேரில் சென்று ஆய்வு செய்தால் மட்டுமே, எவ்வளவு பணம், நகை திருடு போயுள்ளது என்பது தெரியவரும் என்று கூறப்படுகிறது. சம்பவம் குறித்து போலீஸில் புகார் அளிக்கப்பட்ட நிலையில், நேரில் சென்ற உசிலம்பட்டி நகர் காவல் நிலைய போலிசார் ஆய்வு செய்து தொடர் விசாரணையை மேற்கொண்டு வருகின்றனர்.
