தமிழில், வித்தகன், அலெக்ஸ் பாண்டியன், பையா, பச்சைக்கிளி முத்துச்சரம் படங்களில் வில்லனாக நடித்தவர் இந்தி நடிகர் மிலிந்த் சோமன். இவர், வேலே ஆஃப் பிளவர்ஸ் என்ற பிரெஞ்ச் படத்தில் நடித்தபோது அதில் நடித்த மிலன் ஜம்போனாயை காதலித்து 2005-ல் திருமணம் செய்துகொண்டார். பின்னர் கருத்து வேறுபாடு காரணமாக 2009-ல் விவாகரத்து செய்தார்.
இந்நிலையில் அங்கிதா கோன்வார் என்பவருடன் தான் இருக்கும் புகைப்படத்தை இன்ஸ்டாகிராமில் வெளியிட்டுள்ளார் மிலிந்த். அவரை மிலிந்த் காதலித்து வருவதாகவும் திருமணம் செய்துகொள்ள இருப்பதாகவும் கூறப்படுகிறது. அங்கிதா விமானப் பணிப்பெண்ணாக இருக்கிறார். மிலிந்துக்கு வயது, 51 வயது ! இவரின் வயதில் இருந்து பாதிதான் அங்கிதாவுக்கு என்கிறார்கள்.
