விஷால், ஆர்யா இணைந்து நடிக்கும் 'எனிமி' படத்தின் அப்டேட் வெளியாகி இருக்கிறது.
இயக்குநர் பாலா இயக்கத்தில் ‘அவன் இவன்’ திரைப்படம் கடந்த 2011 ஆம் ஆண்டு வெளியானது. இப்படத்தில் விஷால், ஆர்யா இருவரும் போட்டிக்கொண்டு சிறந்த நடிப்பை வெளிப்படுத்தினர். ’அவன் இவன்’ படத்திற்குப் பிறகு நடிகர் விஷால், ஆர்யா மீண்டும் இணைந்து நடிக்கும் ’எனிமி’ திரைப்படம் விஷாலின் 30 வது படமாகவும் ஆர்யாவின் 32 வது படமாகவும் வெளியாகவிருக்கிறது. இருவருமே நல்ல நண்பர்கள் என்பது அனைவரும் அறிந்ததே. இந்நிலையில், 9 வருடங்களுக்குப் பிறகு இருவரும் மீண்டும் இயக்குநர் ஆனந்த் சங்கர் இயக்கத்தில் ’எனிமி’ படத்தில் இணைந்துள்ளனர். விஷாலுக்கு வில்லனாக ஆர்யா நடிக்கிறார்.
இயக்குநர் ஆனந்த் சங்கர் ஏற்கனவே, கடந்த 2014 ஆம் ஆண்டு விக்ரம் பிரபு நடிப்பில் ‘அரிமா நம்பி’, 2016 ஆம் ஆண்டு விக்ரம், நயன்தாரா நடிப்பில் ‘இருமுகன்’, 2018 ஆம் ஆண்டு விஜய் தேவாரகொண்டா நடிப்பில் ‘நோட்டா’ படங்களை இயக்கியிருந்தார். விஷாலுக்கு ஜோடியாக மிர்னாளினி ரவி நடிக்கிறார். இந்நிலையில், இப்படத்தின் 30 நாட்கள் படப்பிடிப்பு துபாயில் படமாக்கப்பட்டுள்ளது. அடுத்ததாக க்ளைமேக்ஸ் காட்சிகள் சென்னையில் நடைபெறவுள்ளன என்று தயாரிப்பு நிறுவனம் அப்டேட் கொடுத்திருக்கிறது.
இப்படத்திற்கு தமன் இசையமைக்கிறார் என்பது குறிப்பிடத்தக்கது. ஹைதராபாத், துபாயில் தொடர்ந்த இப்படத்தின் படப்பிடிப்பு தற்போது சென்னையில் நடைபெறவுள்ளது.
