’அது உங்க மகளா?’ வில்லனை வறுத்தெடுத்த நெட்டிசன்கள்!

தமிழில், ’பச்சைக்கிளி முத்துச்சரம்’, ‘பையா’, ‘வித்தகன்’, ‘அலெக்ஸ் பாண்டியன்’ உட்பட சில படங்களில் வில்லனாக நடித்தவர், இந்தி நடிகர் மிலிந்த் சோமன். வயது 51.

பிரபல மாடலான இவர், மைலேனி என்பவரை காதலித்து திருமணம் செய்தார். பின்னர் அவரிடமிருந்து விவாகரத்து பெற்று தனியாக வசித்து வந்தார். 
இந்நிலையில் அங்கிதா கொன்வார் என்ற 18 வயது பெண்ணை மிலிந்த் காதலிப்பதாக, கடந்த சில மாதங்களுக்கு முன் செய்திகள் வெளியானது. இருவருவம் ஒன்றாக இருக்கும் புகைப்படங்களையும் அவர்கள் வெளியிட்டனர். இந்நிலையில் டெல்லியில் நடந்த பேஷன் ஷோ ஒன்றில் புதன்கிழமை இருவரும் கலந்துகொண்டனர். பின்னர், அங்கு இவர்கள் எடுத்துக்கொண்ட செல்ஃபியை சமூக வலைத்தளத்தில் பதிவிட்ட மிலிந்த், ’பிக்சர் ஆஃப் த டே’ என்று கூறியிருந்தார். இதைக் கண்ட நெட்டிசன்கள் சிலர், சூப்பர் ஜோடி என்று வாழ்த்தி இருந்தனர். சிலர் கடுமையாக கலாய்த்துவிட்டனர். ‘பக்கத்தில் இருப்பது உங்கள் மகளா?’ என்று கேட்டுள்ளனர். இருவருக்குமான வயது வித்தியாசம் காரணமாக அவர்கள் இவ்வாறு கேள்வி கேட்டுள்ளனர். 
வழக்கம் போல இதைக் கண்டுகொள்ளவில்லை மிலிந்த்.