“இந்தக் கரிகாலனோட முழு ரவுடித்தனத்த பாப்பீங்க!!!”: வைரலாகும் ரஜினி வசனம்

காலா டீஸர் பற்றிய செய்தி ட்விட்டரில் வைரலாகி வருகிறது. 

‘கபாலி’ வெற்றிக்குப் பின் நடிகர் ரஜினிகாந்த் - இயக்குநர் பா.ரஞ்சித் கூட்டணியில் உருவாகியிருக்கும் திரைப்படம் ‘காலா’. இப்படத்திற்கு சந்தோஷ் நாராயணன் இசையமைத்துள்ளார். நடிகரும், ரஜினியின் மருமகனுமான தனுஷின் வுண்டர்பார் ஃபிலிம்ஸ் நிறுவனம் படத்தை தயாரித்துள்ளது. தமிழ், தெலுங்கு, இந்தி என 3 மொழிகளில் தயாராகியுள்ள இப்படம், வரும் ஏப்ரல் மாதம் 27ம் தேதி உலகெங்கும் வெளியாக உள்ளதாக அறிவிக்கப்பட்டது.

இந்நிலையில், மார்ச் ஒன்றாம் தேதி ‘காலா’  திரைப்படத்தின் டீஸர் வெளியாகிறது. தனுஷ் தனது ட்விட்டர் பக்கத்தில் இந்தத் தகவலை வெளியிட்டுள்ளார். இந்தத் தகவலோடு, “ இந்தக் கரிகாலனோட முழு ரவுடித்தனத்த பாத்தது இல்ல..ல ..? பாப்பீங்க!!! “ என்ற வரிகளையும் பதிவிட்டுள்ளார். 

நேற்று ரஜினியின் அடுத்தப் படத்தை இளம் இயக்குநர் கார்த்திக் சுப்புராஜ் இயக்கவுள்ளதாக அதிகாரப்பூர்வ அறிவிப்பு வெளியாகி இருந்தது. இந்த நிலையில் தற்போது அடுத்த நாளிலேயே ‘காலா’  டீஸர் அறிவிப்பு வெளியாகியுள்ளதால் ரஜினி ரசிகர்கள் மகிழ்ச்சியில் உள்ளனர்.