“ஆன்லைனில் மட்டுமே சினிமா டிக்கெட்”- அமைச்சர் தகவல்

ஆன்லைனில் மட்டுமே சினிமா டிக்கெட் விற்பனை செய்யும் முறை விரைவில் அமல்படுத்தப்படும் என அமைச்சர் கடம்பூர் ராஜூ தெரிவித்துள்ளார்.

மக்களின் பொழுதுபோக்கு அம்சங்களில் ஒன்றாக இருப்பது தியேட்டர்கள். திரையங்கில் படங்களை காண தற்போது அந்தந்த தியேட்டர்களில் நேரடியாக டிக்கெட் வாங்க முடியும். அதுமட்டுமில்லாமல் ஆன்லைன் வழியாகவும் டிக்கெட் புக் செய்ய முடியும்.

இந்நிலையில் ஆன்லைனில் மட்டுமே சினிமா டிக்கெட் விற்பனை செய்யும் முறை விரைவில் அமல்படுத்தப்படும் என அமைச்சர் கடம்பூர் ராஜூ தெரிவித்துள்ளார். திரையரங்கில் உணவுப் பொருட்களுக்கு கட்டணம் நிர்ணயம் செய்யப்பட்டு விரைவில் அமல்படுத்தப்படும் என்றும் அவர் தெரிவித்துள்ளார்.

மேலும் ஆன்லைனில் மட்டும் சினிமா டிக்கெட் புக்கிங் முறை முதலில் மல்டி பிளக்ஸ் திரையரங்குகளில் விரைவில் நடைமுறைப்படுத்தப்படும். பின்னர் 1000  திரையரங்குகளில் நடைமுறைக்கு கொண்டு வரப்படும் என தெரிவித்தார்.