சிவகார்த்திகேயனின் பிறந்தநாளை முன்னிட்டு இன்று காலை டாக்டர் படத்தின் ஃபர்ஸ்ட் லுக் வெளியானது.
கோலமாவு கோகிலா திரைப்படம் மூலம் அனைவரின் கவனத்தையும் ஈர்த்தவர் நெல்சன் திலீப் குமார். நயன்தாரா, யோகிபாபு நடிப்பில் கலக்கல் காமெடி படமாக அதனை அவர் உருவாக்கி இருப்பார். அந்தப் படத்திற்கு பிறகு அவர் இயக்கி வரும் திரைப்படம் டாக்டர். ஹீரோ திரைப்படத்திற்கு பிறகு சிவகார்த்திகேயன் இந்தப் படத்தில் கதாநாயகனாக நடித்து வருகிறார். இப்படத்திற்கு அனிருத் இசையமைக்கிறார்.
சென்னை, கோவா உள்ளிட்ட இடங்களில் படப்பிடிப்பு நடைபெற்ற நிலையில் இன்று படத்தின் ஃபர்ஸ்ட் லுக் வெளியாகும் என படக்குழு அறிவித்தது. சிவகார்த்திகேயனின் பிறந்தநாளை முன்னிட்டு இன்று காலை டாக்டர் படத்தின் ஃபர்ஸ்ட் லுக் வெளியானது.
கைகளில் ரத்தக் கறையுடன் சிவகார்த்திகேயன் நாற்காலி ஒன்றில் அமர்ந்திருக்கிறார். அவரை சுற்றிலும் அறுவை சிகிச்சைக்கு பயன்படுத்தப்படும் கத்தி உள்ளிட்ட உபகரணங்கள் இருப்பது போல ஃபர்ஸ்ட் லுக் அமைந்துள்ளது. டாக்டர் படத்தின் ஃபர்ஸ்ட் லுக்கை சிவகார்த்திகேயன் ரசிகர்கள் இணையத்தில் கொண்டாடி வருகின்றன. #DoctorFirstLook என்ற ஹேஸ்டேக்கையும் ட்விட்டரில் ட்ரெண்ட் செய்து வருகின்றனர்.
