துரந்தர் 2 | 7 நாட்களில் ரூ.1,000 கோடி வசூல்.. Top 10 படங்களிலும் இடம்!

உலகளவில் 1,000 கோடி ரூபாய் வசூலித்த அதிவேக இந்தியப் படம் என்ற பெருமையை புஷ்பா 2 படத்திற்குப் பிறகு துரந்தர் 2 பெற்றுள்ளது. இவ்விரு படங்களும் இந்தச் சாதனையை அடையச் சரியாக ஏழு நாட்கள் எடுத்துக்கொண்டன.

ரன்வீர் சிங் நடிப்பில் ஆதித்யா தர் இயக்கி கடந்த ஆண்டு இறுதியில் வெளியான படம் `துரந்தர்'. அக்‌ஷய் கண்ணா, சஞ்சய் தத், அர்ஜூன் ராம்பால், மாதவன், சாரா அர்ஜூன் எனப் பலரும் இதில் நடித்திருந்தனர். ஸ்பை த்ரில்லர் படமாக உருவான இப்படம் உலகளவில், ரூ.1,300 கோடிக்கு மேல் வசூல் செய்து சாதனை படைத்தது. இப்படத்தின் இரண்டாம் பாகமான `துரந்தர் தி ரிவென்ஞ்' மார்ச் 19 வெளியானது. இப்படமும் வசூல் சாதனையை செய்து வருகிறது. இப்படத்தின் முதல் நாள் வசூலே, இந்திய படங்களின் முந்தைய சாதனைகளை முறியடித்ததாகக் கூறப்பட்டது. தொடர்ந்து, இப்படத்திற்கு மக்கள் ஆதரவு பெருகி வரும் நிலையில், உலகளவில் 1,000 கோடி ரூபாய் வசூலித்த அதிவேக இந்தியப் படம் என்ற பெருமையை புஷ்பா 2 படத்திற்குப் பிறகு துரந்தர் 2 பெற்றுள்ளது.

இவ்விரு படங்களும் இந்தச் சாதனையை அடையச் சரியாக ஏழு நாட்கள் எடுத்துக்கொண்டன. காந்தாரா சாப்டர் 1, அனிமல் மற்றும் பஜ்ரங்கி பாய்ஜான் போன்ற படங்களைப் பின்னுக்குத் தள்ளி , எல்லா காலத்திலும் அதிக வசூல் செய்த முதல் 10 இந்தியப் படங்களின் பட்டியலில் துரந்தர் 2வும் தற்போது இடம்பிடித்துள்ளது. அதன் அடுத்த இலக்கு கல்கி 2898 கி.பி. ஆகும். இப்படம் உலகளவில் வெளியான காலத்தில் ரூ. 1,042.25 கோடி வசூலித்தது. இந்தச் சாதனையை துரந்தர் 2 படம் விரைவில் முறியடிக்கும் எனக் கூறப்படுகிறது. மேலும் துரந்தர் தி ரிவெஞ்ச் படம் சில சாதனைகளையும் படைத்திருப்பதாகக் கூறப்படுகிறது.

• புஷ்பா 2 உடன் இணைந்து, ரூ. 1,000 கோடி வசூலித்த அதிவேகப் படம்.

• ஒரு பாலிவுட் திரைப்படத்தின் மிகப்பெரிய இந்திய வசூல்.

• ஒரு இந்தியத் திரைப்படத்தின் மிகப்பெரிய வெளிநாட்டு வசூல்.

• இந்தியில் புஷ்பா 2-ஐ விஞ்சி, ஒற்றை மொழியில் அதிகபட்ச வசூலைப் பெற்றது.

• பாகுபலி மற்றும் புஷ்பா படங்களுக்குப் பிறகு, உலகளவில் 2,000 கோடி ரூபாய் வசூல் செய்த ஒரே பாலிவுட் திரைப்படத் தொடர் இதுதான்.

• தங்கல்: ரூ 2,070 கோடி

• பாகுபலி 2: ரூ. 1,810.60 கோடி

• புஷ்பா 2: ரூ. 1,742.10 கோடி

• துரந்தர்: ரூ 1,354.84 கோடி

• RRR: ரூ 1,230 கோடி

• கேஜிஎஃப் 2: ரூ. 1,215 கோடி

• ஜவான்: ரூ 1,160 கோடி

• பதான்: ரூ 1,055 கோடி

• கல்கி 2898 கி.பி: ரூ 1,042.25 கோடி

• துரந்தர் 2: ரூ 1,000 கோடி (தற்போது வரை)