விரைவில் வெளியாகிறது துருவ நட்சத்திரம் படத்தின் ’ஒரு மனம்’ பாடல்.!

 நடிகர் விக்ரம் நடித்துள்ள துருவ நட்சத்திரம் படத்தின் ‘ஒரு மனம்’ பாடல் போஸ்டரை வெளியிட்டு விரைவில் வெளியாகும் என்று கெளதம் மேனன் அறிவித்திருக்கிறார்.

நடிகர் விக்ரம் உளவுத்துறை அதிகாரியாக நடித்திருக்கும் துருவ நட்சத்திரம் படம் கடந்த 2016 ஆம் ஆண்டு எடுக்கப்பட்டது. ஏழு நாடுகளில் எடுக்கப்பட்ட இப்படத்தில் ராதிகா, சிம்ரன், ஐஸ்வர்யா ராஜேஷ், பார்த்திபன், ரீத்து வர்மா உள்ளிட்டோர் நடித்திருக்கிறார்கள். முழு படப்பிடிப்பு முடித்தும் இன்னும் தயாரிப்பாளர் பிரச்சனை, தொழில்நுட்ப சிக்கல் போன்ற பல்வேறு காரணங்களால் படம் வெளியாகமால் இருக்கிறது.

இடையிடையில் டீசர்கள் மட்டும் வந்து போனாலும் மூன்று ஆண்டுகளாக படம் வெளியாகவில்லை. துருவ நட்சத்திரம் படத்தை எப்போது திரையில் காண்போம் என்று எதிர்பார்த்து ஓய்ந்தே விட்டார்கள் ரசிகர்கள்.

இந்நிலையில், ஹாரீஸ் ஜெயராஜ் இசையமைத்திருக்கும் இப்படத்தின் ’ஒரு மனம்’ பாடல் விரைவில் வெளியாகும் என்று கெளதம் மேனனும் சோனி நிறுவனமும் பாடலின் போஸ்டரை வெளியிட்டிருக்கிறார்கள்.