எனக்கும் அஜீத்துக்கும் ஒரே ஆசைதான்: அக்ஷரா ஹாசன்
அஜீத், காஜல் அகர்வால், அக்ஷரா ஹாசன், விவேக் ஓபராய் உட்பட பலர் நடித்துள்ள படம், ’விவேகம்’. சிவா இயக்கியுள்ள இந்தப் படத்துக்கு அனிருத் இசை அமைத்துள்ளார்.
இந்தப் படம் பற்றி அக்ஷரா ஹாசன் கூறும்போது, ’இயக்குனர் சிவா, இந்தப் படத்தின் என் கேரக்டரை விவரித்த பொழுது பிடித்திருந்தது. அந்த கேரக்டர், கதையை அடுத்த கட்டத்துக்கு நகர்த்தும் கருவியாக இருந்தது. அதில் நடித்ததில் மகிழ்ச்சி. அஜித் சாருடன் பணி புரிந்தது அருமையான அனுபவம். தான் ஒரு மிகப்பெரிய ஸ்டார் என்ற எண்ணம் துளியும் இல்லாமல் எல்லோர்க்கும் உதவியாக இருப்பார். எங்கள் இருவருக்கும் புகைப்படங்கள் எடுப்பதில் ஆர்வம் அதிகம். அதனால் அதைப் பற்றி நாங்கள் அதிகம் பேசினோம். பல்கேரியா மற்றும் செர்பியாவின் கடும் குளிரிலும் உறையும் பனியிலும் படக் குழுவினர் கடுமையாக உழைத்தனர். அந்த உழைப்பின் பலனை ரசிகர்கள் தியேட்டரில் பார்ப்பார்கள்’ என்றார் அக்ஷரா ஹாசன்.
