பிரபாஸ் - பூஜா ஹெக்டேவின் ‘ராதே ஷ்யாம்’ ரிலீஸ் தேதி அறிவிப்பு
பிரபாஸ் நடிக்கும் ’ராதே ஷ்யாம்’ படத்தின் வெளியீட்டு தேதியை அதிகாரபூர்வமாக அறிவித்திருக்கிறது படக்குழு.
கடந்த 2019 ஆம் ஆண்டு வெளியானா ‘சாஹோ’ படத்திற்குப் பிறகு பிரபாஸ் ‘ராதே ஷ்யாம்’ படத்தில் நடித்து வருகிறார். அவருக்கு ஜோடியாக பூஜா ஹெக்டே நடிக்கிறார். முழுக்க முழுக்க காதல் கதைக்களத்தைக் கொண்ட இப்படத்தில் முக்கிய கதாப்பாத்திரங்களில் பாக்யஸ்ரீ, சச்சின் கடேகர், முரளி சர்மா மற்றும் பலரும் நடித்து வருகின்றனர். 70-களின் ஐரோப்பாவில் நடக்கும் காதல் கதையாக உருவாக்கப்படும் இப்படம் தமிழ், தெலுங்கு இந்தி, மலையாளம் உள்ளிட்ட மொழிகளில் வெளியாகவிருக்கிறது.
சமீபத்தில், இப்படத்தின் பிரபாஸ் - பூஜா ஹெக்டே காதல் காட்சி புகைப்படங்கள் வெளியாகி படத்தின் மீதான எதிர்பார்ப்பை அதிகரிக்க வைத்தது. இந்த நிலையில், இப்படம் வரும் 2022 ஆம் ஆண்டு ஜனவரி 14 ஆம் தேதி வெளியாகும் என்று நடிகர் பிரபாஸ் இன்று அதிகாரபூர்வமாக தனது இன்ஸ்டாகிராம் பக்கத்தில் அறிவித்திருக்கிறார்.
