சென்னை உட்பட7 நகரங்களில் ‌வீடு விற்பனை 40% குறைந்தது

இந்தியாவில் சென்னை உள்ளிட்ட 7 பெரு நகரங்களில் வீடுகள் விற்பனை கடந்த 4 ஆண்டுகளில் 40% குறைந்துள்ளதாக ஆய்வறிக்கை ஒன்றில் தெரியவந்துள்ளது. 

அனராக் என்ற சொத்து ஆலோசனை அமைப்பு நடத்திய ஆய்வில் இவ்வாறு கூறப்பட்டுள்ளது. 2013ம் ஆண்டில் 3.3 லட்சம் வீடுகள் விற்கப்பட்டிருந்த நிலையில் 2017ல் இது 2 லட்சமாக குறைந்துள்ளதாக அந்த அறிக்கை கூறுகிறது. 
கட்டுமானத் தாமதம், மூலதனத்தை வேறு காரணங்களுக்கு பயன்படுத்தல் உள்ளிட்டவையால் டெல்லி, சென்னை, மும்பை, புனே, கொல்கத்தா, ஐதராபாத், பெங்களூரு ஆகிய ஏழு பெரு நகரங்களில் வீடு விற்பனை குறைந்ததாக அந்த அறிக்கை கூறுகிறது.