முதல்முறையாக ரூ. 4 ஆயிரத்தை தாண்டியது ஒரு கிராம் ஆபரணத் தங்கம்
ஒரு கிராம் தங்கம் விலை ரூ. 4 ஆயிரத்தை தாண்டியுள்ளது.
சென்னையில் இன்று காலை நிலவரப்படி 22 கேரட் ஆபரணத் தங்கத்தின் விலை கிராமிற்கு ரூ. 34 உயர்ந்து ரூ. 4,012-க்கு விற்பனை செய்யப்படுகிறது. அதேபோல், 22 கேரட் ஆபரணத் தங்கத்தின் விலை சவரனுக்கு ரூ. 272 உயர்ந்து ரூ. 32,096 க்கு விற்பனை செய்யப்படுகிறது.
ஒரு கிராம் தங்கம் விலை ரூ. 4 ஆயிரத்தையும் ஒரு சவரன் தங்கம் விலை ரூ. 32 ஆயிரத்தையும் தாண்டியது இதுவே முதல்முறை. சென்னையில் வெள்ளியின் விலை கிராமுக்கு 70 காசுகள் உயர்ந்து ரூ. 52.30க்கு விற்பனை செய்யப்படுகிறது.
இதேபோல் 24 கேரட் தங்கத்தின் விலை கிராமிற்கு 36 ரூபாய் உயர்ந்து 4 ஆயிரத்து 213 ரூபாயாகவும் சவரனுக்கு 288 ரூபாய் உயர்ந்து 33 ஆயிரத்து 704 ரூபாயாகவும் உள்ளது.
நேற்று, 22 கேரட் ஆபரணத் தங்கத்தின் விலை ஒரு கிராம் 3 ஆயிரத்து 980 ரூபாய்க்கும், ஒரு சவரன் 31 ஆயிரத்து 840 ரூபாய்க்கும் விற்பனை செய்யப்பட்டது.
