நேற்று முதல் ஸ்டேட் பேங்க் ஆன்லைன் பரிவர்த்தனைகள் தோல்வியடைவதாகவும், யோனோ பயன்பாடு பிழையைக் காட்டுகிறது என்றும் வாடிக்கையாளர்கள் புகார் செய்துவருகின்றனர்
பல எஸ்பிஐ வாடிக்கையாளர்கள் நேற்று முதல் யோனோ பயன்பாட்டில் உள்நுழையவோ அல்லது ஆன்லைன் பரிவர்த்தனைகள் செய்யவோ முடியாததால் தொழில்நுட்ப குறைபாடுகள் குறித்து புகார் கூறத் தொடங்கினர். சில வாடிக்கையாளர்கள் இப்போதுவரை இந்த பிரச்சினை இன்னும் தீர்க்கப்படவில்லை என்கிறார்கள். அதுபோலவே எஸ்பிஐ வங்கியின் வாடிக்கையாளர்களுக்கு ஆன்லைனில் பணம் அனுப்புவதில் பிற வங்கிகளின் வாடிக்கையாளர்களும் சிக்கல்களை எதிர்கொள்கின்றனர். வங்கி தனது ஆன்லைன் சேவைகளில் ஏதேனும் சிக்கல்களை எதிர்கொள்கிறதா என்பதை இன்னும் தெளிவுபடுத்தவில்லை.
ஸ்டேட் வங்கியின் மொபைல் பயன்பாடான யோனோ, ‘M005’ என்ற பிழைக் குறியீட்டைக் காண்பிப்பதாகவும், ஆன்லைன் பரிவர்த்தனைகளில் கடுமையான சிரமங்களை ஏற்படுத்துவதாகவும் பல எஸ்பிஐ வாடிக்கையாளர்கள் டிவிட்டர் உள்ளிட்ட சமூக வலைத்தளங்களில் புகார் தெரிவித்துள்ளனர். சில வாரங்களுக்கு முன்பு, நவம்பர் 22 அன்று, எஸ்பிஐ ஆன்லைன் பரிவர்த்தனைகளில் பல்வேறு தொழில்நுட்ப சிக்கல்களை இந்த வங்கி எதிர்கொண்டது.
