அடுக்கடுக்கான பாலியல் புகார்களில் சிக்கிய ஹாலிவுட் பட தயாரிப்பாளர்

அடுக்கடுக்கான பாலியல் புகார்களில் பிரபல ஹாலிவுட் பட தயாரிப்பாளர் ஹார்வி வெயின்ஸ்டீன் சிக்கியுள்ளார். அவரை நினைத்து தான் ‌‌மிகுந்த கவலை அடைந்திருப்பதாக பிரபல தயாரிப்பாளர்‌ வூடி ஆலன் தெரிவித்துள்ளார்.

நியூயார்க் டைம்ஸ் நாளிதழில் வெயின்ஸ்டீனின் திரைமறைவு வாழ்க்கை குறித்த மர்மங்கள் வெளியாகி வந்ததை அடுத்து, அவரால் பாதிக்கப்பட்ட பெண்கள் ஒவ்வொருவராக தற்போது உண்மைகளை அம்பலப்படுத்தி வருகின்றனர். திரை வாழ்க்கையில் அடியெடுத்து வைத்த ஆரம்ப காலத்தில் தங்களுக்கும் அவர் தொல்லை கொடுத்ததாக, சமீபத்தில் ஏஞ்சலினா ஜோலியும், பால்ட்ரொவும் குற்றம்சாட்டினர். இதைத் தொடர்ந்து வெயின்ஸ்டீனின் மனைவி அவரை விட்டு பிரியப் போவதாக அதிரடியாக அறிவித்துள்ளார்.

இந்நிலையில் பிபிசிக்கு அளித்த பேட்டியளித்துள்ள மற்றொரு பிரபல தயாரிப்பாளரான வூடி ஆலன், பாலியல் புகார்களில் சிக்கியுள்ள வெயின்ஸ்டீனை நினைத்து கவலைப்படுவதாக தெரிவித்துள்ளார். ஹார்வியால் பாதிக்கப்பட்ட பெண்கள், இதுவரை உண்மை நிலவரத்தை தன்னிடம் தெரிவிக்கவில்லை என்றும், இத்தகைய‌ புகார்களால் ஒட்டுமொத்த திரையுலகத்திலும் நிச்சயம் பெரிய மாற்றம் நிகழலாம் என்றும் அவர் கூறியுள்ளார்.