விண்வெளியில் மனிதர்கள் நீண்ட காலம் தங்கியிருக்கும் போது ஏற்படும் மூளை மற்றும் உடல் திசு பாதிப்புகள் குறித்து சீன விண்வெளி நிலையத்தில் உள்ள விஞ்ஞானிகள் ஆய்வு செய்துள்ளனர். கடந்த வாரத்தில் பல்வேறு முக்கிய சோதனைகள் 3 விஞ்ஞானிகள் மூலம் நிகழ்த்தப்பட்டதாக சீன விண்வெளி நிறுவனம் தெரிவித்துள்ளது. அமெரிக்கா, ரஷ்யா உள்ளிட்ட நாடுகள் இணைந்து சர்வதேச விண்வெளி நிலையத்தை அமைத்து ஆய்வு செய்து வரும் நிலையில் சீனா மட்டும் தனியாக ஒரு ஆய்வு நிலையத்தை விண்வெளியில் அமைத்துள்ளது. விண்வெளியில் மனித வாழ்க்கைக்கான வாய்ப்புகள் குறித்து இரு நிலையங்களும் ஆய்வு மேற்கொண்டுள்ளன.
விண்வெளியில் மனிதர்களுக்கு பலவிதமான பாதிப்புகள் ஏற்படுகின்றன. அவற்றை சீனா உட்பட பல நாடுகள் ஆய்வு செய்து வருகின்றன. முக்கிய பாதிப்புகள் தசை மற்றும் எலும்பு இழப்பு, இருதய பாதிப்புகள், கதிர்வீச்சு வெளிப்பாடு மற்றும் விண்வெளி பயணத்தின் போது ஏற்படும் உளவியல் தாக்கங்கள் ஆகிவை ஏற்படுகின்றன.
1. புவியீர்ப்பு விசை இல்லாததால், விண்வெளி வீரர்களின் தசைகள் மற்றும் எலும்புகள் வலுவிழக்கின்றன. இது அவர்களின் அன்றாட செயல்பாடுகளையும், நீண்ட கால ஆரோக்கியத்தையும் பாதிக்கும்...
2. விண்வெளியில், இதயத்தின் செயல்திறன் குறையலாம், மேலும் இரத்த ஓட்ட அமைப்பில் மாற்றங்கள் ஏற்படலாம். இது இதய நோய் அபாயத்தை அதிகரிக்கும்.
3. விண்வெளியில் அதிக அளவில் கதிர்வீச்சு உள்ளது. இது புற்றுநோய் மற்றும் பிற உடல்நலப் பிரச்சினைகளுக்கு வழிவகுக்கும்.
4. விண்வெளி பயணத்தின் போது தனிமை, மன அழுத்தம் மற்றும் தூக்கமின்மை போன்ற உளவியல் ரீதியான பாதிப்புகளும் ஏற்படலாம். இது விண்வெளி வீரர்களின் மனநலத்தை பாதிக்கும்.
5. சீனாவின் விண்வெளி ஆய்வு திட்டங்கள், விண்வெளியில் மனிதனின் நீண்ட கால வாழ்நாள் மற்றும் ஆரோக்கியம் பற்றிய ஆய்வுகளை மேற்கொண்டு வருகின்றன. விண்வெளி வீரர்களின் உடலில் ஏற்படும் இந்த மாற்றங்களை புரிந்து கொள்ளவும், அவற்றைத் தடுக்க அல்லது குறைக்க புதிய வழிகளைக் கண்டறியவும் இந்த ஆய்வுகள் உதவுகின்றன.