சமூக வலைதளங்களில் வயிற்றில் இரையோடு ஒரு மலைப்பாம்பு குடிநீர் தொட்டியில் தனது பாதி உடலை நனைத்து குளிரச்செய்யும் வீடியோ வைரலாகி வைரலாகிவருகிறது.
விலங்குகளுக்கு குடிக்க வைத்திருக்கும் தண்ணீர் நிறைந்தத் தொட்டியில் பாம்பு ரிலாக்ஸ் செய்வதை இந்திய வனத்துறை அதிகாரி சுசாந்தா நந்தா தனது ட்விட்டர் பக்கத்தில் பகிர்ந்துகொண்டுள்ளார். பாம்பின் செயலையும் இரையை உண்டு வீங்கியதுபோல் காணப்படும் அதன் வயிற்றையும் பார்த்து எல்லோரும் சிலிர்ப்படைந்து பகிர்ந்து வருகிறார்கள். இதுவரை இந்த வீடியோவை ஆயிரம் பேருக்குமேல் பார்த்துள்ளார்கள்.
மலைப்பாம்புகள் தங்கள் இரையை முழுமையாக உட்கொள்ளும் என்று அறியப்படுபவை. இவை ஒரு பெரிய மானாக இருந்தாலும், அதன் கழுத்தை பற்களை வைத்தே நெறித்துக்கொன்று விழுங்கிவிடும். அப்படி விழுங்குபவை இரையை உண்டப்பிறகு, அது செறிக்கும்வரை சிலவாரங்களுக்கு தேவையில்லாமல் உண்ணாது.
இந்த வீடியோவில் மலைப்பாம்பின் வயிற்றில் இரை மிகவும் நெருக்கமாக காட்டப்படுவது திகிலை ஏற்படுத்துகிறது. அப்போதுதான், இரையை உண்டு குடிநீர் தொட்டிக்கு வந்ததுபோல் இருக்கிறது.
இந்த வீடியோவில் ஆச்சர்யமான கமெண்டுகளை பகிர்ந்து வருகிறார்கள். ’பாம்பைப் பார்க்க பயமாக இருக்கிறது’ என்றும், ’அதன் வயிற்றில் என்ன இரை இருக்கிறது’? என்றும் பார்க்க ஆவலாக உள்ளது என்றும் கூறிவருகிறார்கள். மலைப்பாம்பின் இந்த வீடியோ தென்னாப்பிரிக்க தேசிய பூங்காவில் எடுக்கப்பட்டுள்ளது.