தவெக மதுரை மாநாடு 2.0 - நொடிக்கு நொடி அப்டேட்ஸ்! குட்டிக்கதை சொல்லி உரையை முடித்த விஜய்!

மதுரை பாரபத்தியில் நடைபெற்ற தமிழக வெற்றிக் கழகத்தின் இரண்டாவது மாநில மாநாட்டில் நடிகர் விஜயை நேரில் காணத் தொண்டர்கள் பல ஆயிரக்கணக்கில் காலையிலிருந்தே கொளுத்திய வெயிலை பொருட்படுத்தாமல் காத்திருந்தனர். விஜய் மேடையேறி உரையாற்றியதை பார்த்தவுடன், பலர் கூட்ட நெரிசலை தவிர்க்க மாநாட்டு திடலை விட்டு வெளியேறத் தொடங்கினர்.

ஆனால் மாநாட்டு திடலிலிருந்து தங்கள் வாகனங்கள் நிறுத்தப்பட்ட இடத்திற்குச் செல்ல தொண்டர்கள் நடந்து செல்ல முடியாமல் பரிதவித்தனர். இதை சாதகமாக பயன்படுத்திக் கொண்ட சில ஆட்டோ ஓட்டுநர்கள், ஒரு கிலோமீட்டருக்கு 100 ரூபாய் வரை அதிக கட்டணம் வசூலித்தனர்.

தொண்டர்களும் வேறு வழியின்றி அந்த அதிக கட்டணத்தைக் கட்டி ஆட்டோவில் பயணம் மேற்கொண்டு தங்கள் வாகன இருப்பிடத்திற்கு சென்றனர்.

பொதுவாக 10–20 ரூபாயில் போகும் தூரத்துக்கு இப்படி 100 ரூபாய் வசூலிப்பது மிகவும் அதிகமாக உள்ளது. மாநாடு நடக்கும் இடத்தில் கண்காணிப்பு இருந்தும் எவரும் நடவடிக்கை எடுக்கவில்லை என சில தொண்டர்கள் வருத்தம் தெரிவித்தனர்.

“ஒரு நாட்டில் ஒரு ராஜா, தனக்கு பக்கபலமாக இருக்க தளபதியை தேடுகிறார். சரியான தகுதிகளுடன் 10 பேர் தேர்வாகினர். அதில் ஒருவரை தேர்வு செய்ய வேண்டுமென, விதை நெல்லை கொடுத்து அதை வளர்க்கும்படி கூறி தேர்வு வைக்கிறார்

3 மாதங்கள் கழித்து, அனைவரும் வந்தனர். அதில் ஒருத்தர்மட்டும் வெறும் தொட்டியை வைத்திருந்தார். எவ்வளவோ முயன்றும் அது வளரவில்லை என்றார். ராஜா அவரை கட்டியணைத்துவிட்டு, அவரையே தளபதி என்றார்

காரணம், ராஜா அவர்கள் 10 பேருக்கும் கொடுத்தது அவித்த விதை நெல். அது முளைக்கவே முளைக்காது. 9 பேரும், வேறு விதை நெல்லை வைத்துள்ளனர்.

இதில் நீங்கள்தான் ராஜா. நீங்கள் தேர்வு செய்யப்போகும் தளபதி யார்?” - விஜய்

“என் வீட்டு ரேஷன் கார்டில் உங்க பெயர் இல்லாமல் இருக்கலாம், உங்கள் வீட்டு ரேஷன் கார்டில் என் பெயர் இல்லாமல் இருக்கலாம். ஆனாலும் நீங்கள் என் ரத்த உறவுதான். என்னை உடன்பிறப்பாக எல்லா சகோதரிகளுக்கும் நான் என்றும் தாய்மாமன்தான் நாம் அடைக்கலம் தேடி அரசியலுக்கு வரவில்லை. 30 வருடங்களுக்கும் மேலாக இந்த மக்கள் கொடுத்த நன்றிக்கடனுக்காக அரசியலுக்கு வந்துள்ளேன். நீங்கள் எனக்கு கடவுள் கொடுத்த வரம்” - விஜய்

விஜய் சொன்ன சிங்கக்கதை

சிங்கம் வேட்டைக்கு மட்டும்தான் வெளிய வரும்.. வேடிக்க பாக்க வெளிய வராது. வேட்டையில கூட தன்னவிட பெரிய மிருகங்களதான் குறிவச்சு தாக்கும்; ஜெயிக்கும். எவ்வளவு பசியிருந்தாலும் உயிரில்லாதத தொட்டுக்கூட பார்க்காது. அப்படிப்பட்ட சிங்கம் அவ்வளவு ஈஸியா எதையும் தொடாது.. தொட்டா விடாது. காட்டின் நான்கு பக்கமும் தன் எல்லையை தானே வகுக்கும். அப்படிதான் காட்டையே தன் கட்டுக்குள் வைத்திருக்கும். சிங்கத்திற்கு கூட்டத்தோடு இருக்கவும் தெரியும் தனியாக இருக்கவும் தெரியும். எப்பவும் தன் தனித்தன்மையை இழக்காது. LION IS ALWAYS A LION

மதுரை மண்ணை சேர்ந்த விஜயகாந்த் குறித்து பேசியதும் மாநாடு திடலே அதிர்ந்தது....

“மதுரைன்னாலே அலங்காநல்லூர் ஜல்லிக்கட்டும், அழகர் திருவிழாவும், மீனாட்சியம்மனும் நினைவுக்கு வருவாங்க. ஆனால் மாநாட்டுக்காக இந்த மண்ணுக்கு வந்தவுடன், எனக்கு மனசுக்குள் ஓடியது புரட்சித்தலைவர் எம்.ஜி.ஆர் பற்றிதான்; ஆனால் அவரோடு பழகும் வாய்ப்பு எனக்கு கிடைக்கவில்லை

ஆனால் அவரைப்போலவே குணம் கொண்ட என்னுடைய அண்ணன், புரட்சிக்கலைஞர் கேப்டன் விஜயகாந்த் அவர்களோடு பழகும் வாய்ப்பு எனக்கு நிறையவே கிடைத்தது. மதுரை மண்ணை சேர்ந்த அவரை மறக்க முடியுமா?” என்று பேசினார்.

அண்ணா கொண்டு வந்த சமத்துவ அரசியல் திராவிடம் .

மாநாட்டிற்கு ஆளும் கட்சியினர் பல்வேறு கடைகளை உருவாக்கினார்கள் .

அண்ணாவின் குறிக்கோளில் இருந்து முதலமைச்சர் மு க ஸ்டாலின் விலகிவிட்டார் .

வாரிசு அரசியல் குறித்து பேசியதால் திமுக அமைச்சரவையிலிருந்து முக்கிய பொறுப்புகளில் இருந்து பி டி ஆர் பள்ளிவேல் தியாகராஜன் ஓரங்கட்டப்பட்டார் .

அதிமுக பாஜக கூட்டணி மூலம் தமிழகத்தில் பின்புற வாசல் மூலமாக பாஜக உள்ளே நுழைய திட்டமிடுகிறது .

மன்னர் ஆட்சியை ஒழிக்க தம்பி தலைமை ஏற்க வா என அண்ணா கூறினார் .

அதே மண்ணில் தம்பி தலைமை ஏற்க வா என விஜய்யை அழைக்கிறோம்

- தேர்தல் பிரிவு பொதுச் செயலாளர் ஆதவ் அர்ஜுனா பேச்சு

“தமிழ்நாட்டுக்கு விடுதலை வேண்டும் என்றால், விஜய் முதல்வராக வேண்டும். இங்கே சீனியர்ஸ் இல்லை என்கிறார்கள் சிலர். யாருங்க சீனியர்? ஓசி என்று ஏளனம் செய்த பொன்முடியா? 1,000 ரூ. திட்டத்தை கொச்சையாக பேசிய துரைமுருகனா? சென்னை மாநகராட்சியை அழித்து அட்டூழியம் செய்யும் சேகர் பாபுவா? பத்திரப்பதிவு ஊழல் செய்யும் மூர்த்தியா? இவர்கள் யாருக்கும் துறையை பற்றி தெரியாது” - தவெக துணைப் பொதுச் செயலாளர் நிர்மல் குமார்

தமிழக வெற்றிக்கழகம் தலைவர் விஜயை மாநாட்டிற்கு வருகை தந்திருந்தார் அவரைப் பார்த்தவுடன் மாநாட்டிற்கு வந்த கூட்டம் 50% அப்படியே கலைந்து திரும்பி செல்கிறார்கள் தலைவர் விஜய் என்ன பேசுகிறார் என்பதை கூட கேட்காமல் அவர்கள் வீடு திரும்பி வருகிறார்கள்.

மாநாட்டு திடலுக்கு எந்த அளவிற்கு கூட்டம் வேகமாகக் கூடியதோ அதே வேகத்தில் கூட்டம் கலைந்து செல்கின்றனர்

மாநாட்டில் கட்சியின் தலைவர் விஜய் என்ன பேசப் போகிறார் என்பதை கூட கேட்காமல் பெரும் கூட்டம் கலைந்து செல்கிறது

தவெக மாநாட்டில், கட்சியின் கொள்கைத் தலைவர்களுக்கு மலர்தூவி மரியாதை செய்துவிட்டு, கட்சியின் கொடியை ஏற்றிவைத்தார் விஜய்...

ராம்ப் வாங்க் செய்யும் போது தொண்டர்கள் தூக்கி வீசும் துண்டுகளை எடுத்து தோளில் போட்டுக்கொள்ளும் விஜய்...

தவெக மதுரை மாநாட்டிற்காக சென்னையில் இருந்து சென்ற பிரபாகரன் என்பவருக்கு, சக்கிமங்கலம் அருகே மாரடைப்பு ஏற்பட்டிருந்தது; மேல் சிகிச்சைக்காக அருகிலிருந்த அரசு மருத்துவமனைக்கு அழைத்துச் செல்லப்பட்ட நிலையில் அங்கு சிகிச்சை பலனின்றி உயிரிழந்தார்.

ஆதவ் அர்ஜுன், அருண்ராஜ் IRS, சி.டி.ஆர் நிர்மல்குமார் விஜயின் பெற்றோர்களை சந்தித்து ஆசீர்வாதம் பெறுகின்றனர். தமிழக வெற்றிக் கழகத்தின் மாவட்ட செயலாளர்கள் மற்றும் மாநில நிர்வாகிகளை சந்திரசேகர் சந்தித்து வருகிறார்.

தமிழக வெற்றிக் கழகத்தின் இரண்டாவது மாநில மாநாடு மதுரை பாரபத்தியில் நடைபெறுகிறது. இதனை முன்னிட்டு இன்னும் சற்று நேரத்தில் விஜய் மாநாட்டு திடலுக்கு வரக்கூடிய சூழலில் கூட்டம் அதிகமாகும் என்பதால் மதுரை - தூத்துக்குடி சாலையில் போக்குவரத்து நெரிசல் மற்றும் அதிகளவில் கூட்டம் வர வாய்ப்பு உள்ளதன் காரணமாக எலியார்பத்தி, வலையங்குளம், காரியாபட்டியில் அமைந்துள்ள அரசு பள்ளிகளுக்கு மதியத்துக்கு மேல் விடுமுறை அளிக்கப்பட்டுள்ளது.