ஹோட்டல் உரிமையாளரை தாக்கிய முன்னாள் கவுன்சிலர் -சிசிடிவி வீடியோ

வேளச்சேரி அதிமுக பகுதி செயலாளரும் முன்னாள் கவுன்சிலருமான எம்.ஏ மூர்த்தி சென்னை வேளச்சேரி ஹோட்டல் உரிமையாளரைத் தாக்கும் சிசிடிவி காட்சிகள் வெளியாகியுள்ளது.

சென்னை வேளச்சேரி பகுதியைச் சேர்ந்த எழில் என்பவர் வேளச்சேரி 100 அடி சாலையில் உணவகம் நடத்தி வருகிறார். நேற்று இவர் அவரது நண்பர்களுடன் உணவகத்தின் முன்பு பேசிக்கொண்டிருந்த போது, அங்கு தனது அடியாட்களுடன் வந்த எம்.ஏ மூர்த்தி அவருடன் வாக்குவாதத்தில் ஈடுபட்டதாகத் தெரிகிறது. வாக்குவாதம் முற்றிய நிலையில் மூர்த்தியை எழில் தாக்கியதாகச் சொல்லப்படுகிறது.

இது தொடர்பாக வேளச்சேரி காவல்நிலையத்தில் வழக்குப்பதிவு செய்யப்பட்ட நிலையில் விசாரணை நடைபெற்று வருகிறது. இது தொடர்பான சிசிடிவி காட்சிகள் தற்போது வெளியாகி பரபரப்பை ஏற்படுத்தியுள்ளது.