பிப். 25ல் அமமுக செயற்குழு மற்றும் பொதுக்குழு கூட்டம் : டிடிவி.தினகரன் அறிவிப்பு

அம்மா மக்கள் முன்னேற்றக் கழகத்தின் செயற்குழு மற்றும் பொதுக்குழு கூட்டம் வரும் 25ஆம் தேதி நடைபெறும் என அக்கட்சியின் பொதுச்செயலாளர் டிடிவி தினகரன் அறிவித்துள்ளார்.

கட்சியின் துணைத்தலைவர் எஸ். அன்பழகன் தலைமையில் காலை 9மணிக்கு தொடங்கும் இக்கூட்டத்தில் தமிழகத்தின் 10 இடங்களில் இருந்து காணொலி வாயிலாக உறுப்பினர்கள் கலந்து கொள்வார்கள் என டிடிவி தினகரன் வெளியிட்டுள்ள அறிக்கையில் தெரிவிக்கப்பட்டுள்ளது. உறுப்பினர்கள் முறையான அழைப்பிதழோடு, கொரோனா கால விதிமுறைகளை பின்பற்றி கூட்டத்தில் கலந்து கொள்ள அறிவுறுத்தப்பட்டுள்ளது.