ஐபோன் X செல்போனை அறிமுகம் செய்த ஆப்பிள் நிறுவனம்

ஆப்பிள் நிறுவனம் ஐபோனை அறிமுகப்படுத்தி பத்தாண்டுகள் ஆகிவிட்டதை குறிக்கும் வகையில் ஐபோன் X என்ற புதிய செல்போன் அறிமுகப்படுத்தியுள்ளது.

அமெரிக்காவின் குயுபெர்டினோ நகரில் நடைபெற்ற நிகழ்ச்சியில் ஆப்பிள் நிறுவனத்தின் தலைமைச் செயல் அதிகாரி டிம் குக் புதிய மொபைல் போனை அறிமுகப்படுத்தினார். 5.8 இன்ச் திரையைகொண்ட இந்த போனில் ஒருவரின் முகத்தை அடையாளம் கண்டுகொண்டு இயக்கும் ஆற்றல் உள்ளது. இதில் வயர்லெஸ் முறையில் சார்ஞ் செய்யும் வசதியும் உள்ளது. நவம்பர் 3ம் தேதி முதல் 50க்கும் மேற்பட்ட நாடுகளில் இந்த செல்போன் விற்பனைக்கு வரும் என்று தெரிவிக்கப்பட்டுள்ளது. அமெரிக்காவில் இதன் விலை 999 டாலர் என நிர்ணயம் செய்யப்பட்டுள்ளது. ஐபோன் X மாடலை தவிர ஐபோன் 8 மற்றும் ஐபோன் 8 பிளஸ் என்ற இரண்டு புதிய மாடல்களையும் ஆப்பிள் நிறுவனம் அறிமுகப்படுத்தியுள்ளது.